DAI
Na skryžavańni vuł. Słabadskaja z vulicaj Hromava 19-hadovy chłopiec za rulom «Aŭdzi» praihnaravaŭ patrabavańni supracoŭnikaŭ DAI ab spynieńni i pasprabavaŭ uciačy.
Pačałasia pahonia. U rajonie doma №2 pa Miańkoŭskim trakcie mašynu ŭdałosia zabłakavać słužbovymi aŭtamabilami. Ale heta nie spyniła maładoha čałavieka. Prataraniŭšy mašynu pravaachoŭnikaŭ, jon pasprabavaŭ schavacca ŭ lesapałasie.
Nie spraviŭšysia z kiravańniem, urezaŭsia ŭ dreva. Paśla čaho parušalnik kinuŭ «Aŭdzi» i źbieh ź miesca DTZ.
Hora-kiroŭcu chutka zatrymali. Pry praviadzieńni ahladu ŭ jaho arhaniźmie vyjavili 0,52 pramile ałkaholu. Akramia taho, ustanoŭlena, što maładzion pazbaŭleny pravoŭ, a taksama raniej nieadnarazova pryciahvaŭsia da administracyjnaj adkaznaści za kiravańnie biez pravoŭ.
