Fota Depositphotos.com
Stvaralniki ekśpierymientalnaha preparatu ad kavidu zajavili, što tabletki dali stanoŭčy vynik padčas daśledavańniaŭ.
Tabletki raspracoŭvajuć amierykanskija farmaceŭtyčnyja kampanii Ridgeback Biotherapeutics LP i Merck. Leki značna asłabili simptomy karanavirusa na praciahu 5 dzion padčas testavych vyprabavańniaŭ, piša The Wall Street Journal.
Daśledavańni preparatu praciahvajucca. Kali i dalej tabletki buduć pakazvać stanoŭčyja vyniki ŭ lačeńni ludziej z kavidam, to hety preparat stanie efiektyŭnym mietadam u baraćbie z pandemijaj i pieršym pieraralnym srodkam u lačeńni karanavirusa.
Ekśpierymientalny preparat nazvali molnupiravir (molnupiravir). Jon moža adyhrać važnuju rolu ŭ dapamozie pacyjentam, jakija majuć simptomy kavidu, ale mohuć lačycca doma.
Molnupiravir atakuje nie spajkavy białok virusa, jak heta robiać inšyja supraćvirusnyja preparaty, a tuju častku virusa, jakaja dapamahaje jamu raspaŭsiudžvacca ŭ arhaniźmie.
Preparat prajšoŭ druhuju stadyju vyprabavańniaŭ, u jakich uziali ŭdzieł 182 pacyjenty, test na karanavirus jakich pakazaŭ stanoŭčy vynik na praciahu apošnich čatyroch dzion pierad vyprabavańniami. Nivodny z pacyjentaŭ nie byŭ špitalizavany.
Vałanciory prymali molnupiravir dva razy na dzień. U vyniku praź piać dzion testy pakazali admoŭny vynik u kožnaha, chto prymaŭ preparat. 24% pacyjentaŭ prymali płaceba — ich test zastaŭsia stanoŭčym.
Da kanca hetaha miesiaca navukoŭcy praviaduć treciuju stadyju daśledavańniaŭ, jakija musiać pakazać, ci dapamahajuć hetyja tabletki praduchilić špitalizacyi i śmiarotnyja vypadki.
