Ahulnaja kolkaść śmierciaŭ u Italii letaś skłała 746 146, pavialičyŭšysia na 100 525, abo 15,6% u paraŭnańni ź siarednim pakazčykam za pieryjad 2015-2019 hadoŭ.
Kali aceńvać pieryjad z 21 lutaha, kali ŭ Italii zafiksavali vybuch COVID-19, i da kanca hoda, to «zališniaja śmiarotnaść» była jašče bolšaj — 108 178, što na 21% bolš, čym za toj ža pieryjad u siarednim za apošnija piać hadoŭ.
Instytut achovy zdaroŭja Istituto Superiore di Sanita aficyjna paviedamiŭ ab 75 891 śmierci ad karanavirusa ŭ 2020 hodzie, što składaje kala 70% ad ahulnaj zališniaj śmiarotnaści.
U hetym hodzie Italija praciahvaje rehistravać sotni śmierciaŭ ad COVID-19. U čaćvier abnoŭleny padlik instytuta składaŭ 98 974.
Aficyjna COVID-19 vyklikaŭ 10% śmierciaŭ u Italii ŭ minułym hodzie.
