«Bresckaja hazieta»
Papiaredniaje pasiadžeńnie prajšło ŭ zakrytym režymie, pakolki na im razhladalisia piśmovyja materyjały spravy, što patrabujuć sakretnaści. Raniej na sudovych pasiadžeńniach pa spravie ŭžo paśpieli zasłuchać abvinavačvańnie, pakazańni adnaho abvinavačanaha i pradstaŭnika inšaha, pakazańni paciarpiełych i śviedak.
U piatnicu dačka Hienadzia Šutava Anastasija paprasiła dałučyć da materyjałaŭ spravy znojdzienyja ŭ internecie źviestki, što paciarpieły Raman Haŭryłaŭ, jaki stralaŭ u jaje baćku, udzielničaŭ u spabornictvach pa armreślinhu ŭ 2017 hodzie, choć raniej jon zajaŭlaŭ, što nie vałodaje jakimi-niebudź bajavymi mastactvami i tamu streliŭ u Šutava dziela samaabarony. Sam Haŭryłaŭ abvierh infarmacyju ab udziele ŭ hetych spabornictvach.
Krychu paźniej pačalisia sudovyja sprečki. Pieršym słova ŭziaŭ dziaržabvinavaŭca. Jon zajaviŭ, što Kardziukoŭ dziejničaŭ uviečary 11 žniŭnia naŭmysna i chacieŭ zabić Haŭryłava i Halicyna z pomsty, bo išoŭ na miesca zdareńnia jak na vajnu. Taksama dziaržabvinavaŭca skazaŭ, što Haŭryłaŭ «imknuŭsia pryčynić najmienšuju škodu», streliŭ u Šutava, ale trapiŭ u patylicu. Prakuror zapatrabavaŭ dla Kardziukova pakarańnie 10 hadoŭ kałonii ŭzmocnienaha režymu.
Zahinułaha Šutava taksama prapanuje pryznać vinavatym u supraciŭleńni supracoŭnikam pry vykanańni, ale biez pryznačeńnia pakarańnia.
Paciarpiełyja padtrymali dziaržabvinavaŭcu.
Dačka Šutava ŭ sudovych sprečkach zajaviła, što na łavie padsudnych pavinny być Haŭryłaŭ i Halicyn, a nie Kardziukoŭ. Alaksandr i Hienadź, pa jaje dumku, pavinny być apraŭdanyja.
Prysud budzie abvieščany ŭ 10.00 25 lutaha.
Hienadzia i Alaksandra abvinavačvajuć u supracivie supracoŭnikam orhanaŭ unutranych spraŭ ci inšym asobam, jakija achoŭvajuć hramadski paradak (pa č. 2 art. 363 KK RB). Praŭda, Kardziukoŭ na sudzie zajaviŭ, što nie viedaŭ, što hetyja mužčyny — pry vykanańni, pakolki jany byli apranutyja ŭ cyvilnuju vopratku, nie pradstaŭlalisia i nie pakazvali dakumienty.
«Chacieŭ strelić u pieradplečča». Vajskoviec, jaki 11 žniŭnia zabiŭ Hienadzia Šutava, daŭ pakazańni
«Pastupajuć pahrozy na mabilny numar». Vajskoŭcy sa «spravy Šutava» ŭ Breście patrabujuć zakryć praces
Na sudzie pa spravie Šutava stała viadoma, chto zahadaŭ vykarystoŭvać uzbrojenych vajskoŭcaŭ padčas pratestaŭ u Breście
