Ministerstva abarony aficyjna prakamientavała situacyju z «padpalenym tankam» i zapeŭniła: mašyna znachodzicca ŭ spraŭnym stanie. Pra heta paviedamili na STV, piša Tut.by.
U siužecie raspaviadajecca, što 111-y tank razam ź inšaj bajavoj technikaj ździejśniŭ marš kambinavanym sposabam na Barysaŭski palihon. Tam tankisty rychtujucca da kantrolnych strelbaŭ.
— Pry razhruzcy i zavioŭ tank, vonkava jaho ahledzieŭ, nijakich paškodžańniaŭ nie było, nijakich śladoŭ padpału nie było. Technika pakazvaje siabie vydatna, usio zavodzicca, pracuje, — prakamientavaŭ Jaŭhien Kanavałaŭ, staršy miechanik-kiroŭca T-72.
— U vypadku niejkich niaštatnych dziejańniaŭ abo stvareńnia pahrozy dla ŭzbrajeńnia, vajskovaj techniki, albo paškodžańnia, vartavy, jaki jaje achoŭvaje, maje prava prymianiać zbroju. Adpaviedna, idzie papiaredžańnie, papieradžalny streł i prymianieńnie zbroi. U vypadku, kali stvarajecca vidavočnaja pahroza, napad na techniku, paškodžańnie jaje, na asabovy skład, to vartavy maje prava ŭžyvać zbroju biez papiaredžańnia, — dadaŭ Dźmitryj Bartnicki, namieśnik načalnika adździaleńnia miechanizavanaj bryhady.
Dniami ŭ internecie źjaviłasia videa, na jakim nieviadomyja nibyta padpalili ŭ Minsku tank T-72 adnaho ź biełaruskich złučeńniaŭ.
