15 studzienia a 20:00 adbudziecca finalny vypusk interaktyŭnaha jutub-šou «Hodny dvor». Siarod zaprošanych haściej Lavon Volski, Leanid Paškoŭski, śpiavačka LEAR i aktrysa Alena Hiranok.
Heta budzie apošniaja sustreča ŭ pieršym siezonie. Praciah prajekta i sustrečy ŭ druhim siezonie mahčymyja tolki dziakujučy vašaj padtrymcy.
Padtrymać «Hodny dvor» možna pa spasyłkach:
https://destream.net/live/hodna/donate
https://www.youtube.com/channel/UC1M8OGVo7QOIx8fkGGVS-8A/join
Kali vy chočacie stać partnioram i sponsaram šou, to pišycie prapanovy na poštu: [email protected].
Finalny vypusk budzie maštabny!
Lavon Volski raskaža, ci čakać biełarusam u hetym hodzie siurpryzaŭ i kali narešcie stanie ŭsio okiej i dychać lahčej.
Leanid Paškoŭski, jaki viadzie na jutubie prajekt «Choču domoj», dzie raskazvaje pra zvyčajnych ludziej, jakija žyvuć u niezvyčajnych miescach, budzie dzialicca svaim vandroŭnym dośviedam i łajfchakami. I narešcie nie budzie chacieć dadomu, chacia b na čas efiru.
Aktrysa Alena Hiranok raskaža, što nieabaviazkova hrać na scenie Kupałaŭskaha teatra, kab zdymacca ŭ filmie «Kupała». I padzielicca ŭražańniami pra našumieły film i jaho nieadnaznačnuju premjeru.
Utulny muzyčny nastroj stvorać Lavon Volski i śpiavačka LEAR. Jaje kranalnyja treki vy ŭžo možacie pasłuchać tut, a ŭ «Hodnym dvary» budzie jašče atmaśfierniej!
Viadoŭcy šou niaźmiennyja: pijar-mieniedžarka Ščučynščyny — Alena Zuj-Vajciechoŭskaja i gonzo-biełarus Anton Martynienka.
«Hodny dvor» — prastora dla «lampavych» sustreč. Štočaćvier ładziacca tematyčnyja sustrečy z vybitnymi biełarusami, natchnialnyja live-kancerty i ŭtulnaja atmaśfiera žyvych čataŭ. Karancinnyja abmiežavańni tut nie dziejničajuć, a marazy nie strašnyja. Ciopła, biaśpiečna i ŭ kampanii svaich ludziej.
Haściam možna budzie nie tolki zadać pytańnie, ale i paprasić pieradać pryvitańnie, pračytać vieršyk ci raspavieści aniekdot.
Kab nie prapuścić sustreču, kampanija «Hodna» rekamienduje padpisacca na jutub-kanał: https://www.youtube.com/c/hodnaby.
Sačycie za losam prajekta ŭ sacyjalnych sietkach:
