U paniadziełak ranicaj u sietcy źjaviłasia infarmacyja ab tym, što ŭ niadzielu pieršy błok Biełaruskaj AES pierastaŭ vypracoŭvać mahutnaść, turbina spynienaja z-za vychadu sa stroju transfarmataraŭ napružańnia.
U Minenierha paviedamili, što na pieršym enierhabłoku Biełaruskaj AES praciahvajecca etap «Enierhietyčny pusk». «Dadzieny etap praduhledžvaje režymy pracy enierhabłoka na roznych uzroŭniach mahutnaści (da 500 MVt), a taksama pravierku ŭstojlivaści pracy enierhasistemy pry nieadnarazovym jaje panižeńni».
— U chodzie vyprabavańniaŭ, jakija pravodziacca, u adpaviednaści z prahramaj dadzienaha etapu, vyjaŭlena nieabchodnaść zamieny asobnaha elektratechničnaha vymiaralnaha abstalavańnia. Raboty pa zamienie dadzienaha abstalavańnia ažyćciaŭlajucca zhodna z technałahičnym rehłamientam. Ciapier na enierhabłoku pravodziacca vyprabavańni i pracy ŭ adpaviednaści z etapnaj prahramaj. Usie technałahičnyja sistemy funkcyjanujuć u štatnym režymie, — havorycca ŭ paviedamleńni.
