Čatyrochhadovyja dziaŭčynki ŭ Drybinie zastalisia doma adny — zdaryŭsia pažar, paviedamlaje mogilevnews.by. Ranicaj 17 kastryčnika 42-hadovaja haspadynia razam z mužam syšli na pracu. Starejšy 15-hadovy syn dapamahaŭ susiedziam paśvić karoŭ na poli, siaredni 12-hadovy syn haściavaŭ u siabra. U domie zastavalisia spać čatyrochhadovyja dvajniaty.
Pakidajučy ich adnych, baćki spadziavalisia, što nieŭzabavie vierniecca syn. Ale chłopčyk nie śpiašaŭsia dadomu i małyja byli adny. Kala hadziny dnia z pracy viarnułasia mama, i ledź jana adčyniła dźviery — pavaliŭ dym. U adnym z pakojaŭ hareŭ łožak.
Žančyna pačała šukać dziaciej, ale ŭ domie ich nie było. Jak vyśvietliłasia, kali pačaŭsia pažar, dziaŭčynki vyjšli na vulicu i čakali tam baćkoŭ.
U pakoi źniščana mebla, zakurany ścieny i stol pa ŭsioj chacie. Jak miarkujecca, pryčyna pažaru — svavolstva dziaciej z ahniom.
