Prezidenty ZŠA, Rasii i Francyi — Donald Tramp, Uładzimir Pucin i Emaniuel Makron — u sumiesnaj zajavie zaklikali kiraŭnictva Armienii i Azierbajdžana adnavić pieramovy pa Nahornym Karabachu biez papiarednich umoŭ, piša TASS.
«My <…> zaklikajem kiraŭnikoŭ Armienii i Azierbajdžana nieadkładna ŭziać na siabie abaviazacielstvy dobrasumlenna i biez vyłučeńnia papiarednich umoŭ adnavić pieramovy pa sutnaści ŭrehulavańnia pry sadziejničańni sustaršyń Minskaj hrupy ABSIE», — havorycca ŭ zajavie lidaraŭ krain — sustaršyń Minskaj hrupy.
Prezidenty Rasii, Francyi i ZŠA Uładzimir Pucin, Emaniuel Makron i Donald Tramp ličać, što varta nieadkładna spynić bajavyja dziejańni ŭ Nahornym Karabachu.
«My zaklikajem da nieadkładnaha spynieńnia bajavych dziejańniaŭ pamiž uzbrojenymi siłami jakija ŭdzielničajuć bakoŭ», — havorycca ŭ sumiesnaj zajavie pa Nahornamu Karabachu kiraŭnikoŭ troch dziaržaŭ.
Prezidenty taksama vykazali spačuvańni siemjam zahinułych u nahorna-karabachskim kanflikcie. «My smutkujem ab zahinułych i vykazvajem spačuvańni siemjam zabitych i paranienych», — havorycca ŭ tekście dakumienta.
