Kožnuju niadzielu, z 16 žniŭnia, u Minsku prachodzić masavyja maršy za svabodu, niezaležnaść, suprać falsifikacyi vybaraŭ i hvałtu. Naohuł heta ŭžo 36-y dzień pratestaŭ, što pačalisia 9 žniŭnia.
20:30
A voś videa z Drazdoŭ, kali siłaviki vykarystali śviatłošumavyja hranaty.
20:20
20:15
20:13
Na Puškinskaj praciahvajucca zatrymańni.
20:01
19:58
Redaktarka dev.by Natalla Pravaleŭskaja znachodzicca ŭ Kastryčnickim RUUS. Mierkavana, zatrymana na akcyi.
19:49
Demanstrantaŭ siońnia abstralali na vulicy Cichaj, kali jany adychodzili ad doma Lidzii Jarmošynaj.
Pra heta paviedamlaje karespandent Našaj Nivy, jaki byŭ śviedkam hetaha epizodu.
Niekalki tysiač demanstrantaŭ padyšli da doma Jarmošynaj na vulicy Cichaj, skandujučy «Baba Lida, my na čaj!». Jany pakinuli kala aharodžy jaje pałacyka płakaty i simvaličnyja padarunki.
Kali jany adychodzili ad doma Jarmošynaj, z druhoha kanca vulicy pryjechali dva busy i zrabili čatyry streły ŭ kirunku demanstrantaŭ. Jany stali adbiahać. Pakazalna, što inšyja žychary Drazdoŭ adkryli varoty svaich dvaroŭ, kab demanstranty mahli schavacca.
Karespandent NN nie moža skazać, ci byli tam paranienyja, bo situacyja raźvivałasia chaatyčna. Ale byli zatrymanyja.
19:48
19:40
MUS paviedamlaje pra zatrymańnie ŭ stalicy 400 čałaviek.
19:34
Pačałasia začystka Puškinskaj. Tam zastavałasia šmat pratestoŭcaŭ. Ź dziasiatak zatrymanych.
19:26
Mietro pracuje ŭ štatnym režymie.
19:23
Demanstranty prapuścili ŭsie tralejbusy i aŭtobusy, kiroŭcy pakazali ŭ adkaz palcami znak pieramohi. Zatory zbolšaha źnikli.
19:04
Ad Puškinskaj u bok Matusieviča i Alšeŭskaha — dziasiatki tysiač čałaviek. Ruch pierakryty. Usie sihnalać, machajuć ściahami. Atmaśfiera karnavalnaja.
19:01
18:55
U MUS raspaviali, navošta vykarystoŭvali vadamiot u Breście. «Z metaj adnaŭleńnia narmalnaj žyćciadziejnaści hramadzian i zabieśpiačeńnia biaśpieki darožnaha ruchu».
18:47
Demanstranty zaniali praśpiekt Puškina. Ruchajucca kałonaj da stancyi mietro «Puškinskaja».
18:43
Siońnia dniom zatrymali hałoŭnuju redaktarku dev.by Natallu Pravalinskuju. Redakcyja sprabuje vyśvietlić jaje miescaznachodžańnie.
18:38
Zakrytyja stancyi mietro: «Spartyŭnaja», «Puškinskaja», «Moładzievaja», «Frunzienskaja», «Niamiha».
18:22
Niekalki tysiač ludziej idzie ŭ bok Puškinskaj, a niekalki dziasiatkaŭ tysiač znachodzicca la steły, kala Muzieja Bialikaj Ajčynnaj vajny.
18:20
U Drazdach demanstrantaŭ razhaniali śviatłošumavymi hranatami, jość zatrymanyja.
18:15
Kałona ad HC «Arena-Sici» rušyła nazad u bok Puškinskaj tym ža maršrutam
18:01
Technika jedzie śledam
17:57
Častka ludziej viartajecca da steły
17:50
Situacyja la HC «Arena-Sici». Častka ludziej špacyrujuć pa praśpiekcie Pieramožcaŭ. Niekatoryja adpraŭlajucca hulać pa bakavych vulicach Drazdoŭ. Šmat ludziej imknucca abyści kardon siłavikoŭ praź Instytut fizkultury
17:45
Radyjo Svaboda paviedamlaje pra masavyja zatrymańni na vulicy Naračanskaj. Ludzi chacieli abyści kardon siłavikoŭ, ale tam ich sustreŭ AMAP.
17:39
Hałava asnoŭnaj kałony pratestoŭcaŭ zaraz la HC «Arena-Sici». Chvost kałony vychodzić z Arłoŭskaj na praśpiekt Pieramožcaŭ. Vializnaja častka praśpiekta całkam zaniataja demanstrantami
17:36
Pratestoŭcy sprabavali abyści siłavikoŭ praz sam HC, ale tyja zabłakavali niekalki ŭvachodaŭ.
Siudy padahnali čatyry vadamioty i niekalki aŭtazakaŭ.
17:25
Šmat aŭtazakaŭ padjechała da handlovaha centra Palazzo, što na skryžavańni Arłoŭskaj i Cimirazieva. Tut zaraz idzie chvost vialikaj kałony, što rušyła na praśpiekt Pieramožcaŭ
17:10
Ludzi dajšli faktyčna 10 mietraŭ da łancuha AMAPa kala Arena-Sici, da ich padyšli paru milicejskich načalnikaŭ, ale dyjałohu nie atrymałasia
U Breście na vulicy źjaviŭsia vadamiot. Jaho ŭžyli suprać pratestoŭcaŭ na skryžavańni praśpiekta Mašerava i bulvara Kasmanaŭtaŭ. Pačalisia žorstkija zatrymańnia, šmat AMAPa.
17:01
Ludzi vyrašyli nie iści na Drazdy, a pajści ŭ bok Minsk-areny, ale padychod tudy pieraharodžany ščytami i śpiectechnikaj. Ludzi dumajuć, što rabić
16:48
16:35
Kałona, što ruchałasia z Puškinskaj, vyjšła na praśpiekt Pieramožcaŭ
Zatrymańnie ŭ Hrodnie žančyny inšaj žančynaj. Fota Tut.by
16:26
Navavilenskuju ŭ rajonie kramy aŭtazapčastak pierakryli siłaviki
16:23
Demanstrantaŭ na praśpiekcie Pieramožcaŭ razhaniali hazam. Miedyki akazvajuć dapamohu paciarpiełym.
16:20
Amapaŭcy zdymajuć ludziej i zatrymlivajuć z aharodžy Krupieckich mohiłak. Ludziej adciaśniajuć da futbolnaha manieža. Užo kala 20 aŭtazakaŭ.
16:17
Masavyja zatrymańni kala Arena-Sici. Ludziej adłoŭlivajuć kala Univiersiteta fizkultury. Tam staić kala 20 aŭtazakaŭ.
16:09
Pa Kalvaryjskaj uzdoŭž «Kaskada» ŭ bok Puškinskaj ruchajecca jašče adna kałona.
16:03
Kala «Arena-Sici» sabrałasia kala 8 tysiač čałaviek
16:00
Jašče adna kałona, što ruchałasia pa Arłoŭskaj, dajšła da skryžavańnia z Navavilenskaj i paviarnuła naprava ŭ bok Drazdoŭ.
15:58
Tym časam kałona, što ruchajecca pa praśpiekcie Puškina, dasiahnuła skryžavańnia z Prytyckaha. Spynilisia kala narodnaha miemaryjała pamiaci Alaksandra Tarajkoŭskaha
15:49
Kala 5 tysiač čałaviek vyjšli kala Biaśnianki na praśpiekt Pieramožcaŭ u rajonie haścinicy «Biktoryja-Alimp». Iduć pa praśpiekcie ŭ bok «Arena-Sici»
15:48
Vialikaja kałona, u jakoj nie mienš za 10 tysiač čałaviek, praciahvaje ruchacca pa Arłoŭskaj. Prachodziačy mima budynka Savieckaha RAUSa, ludzi kryčali «Hańba!» i «Vypuskaj!»
15:45
U rajonie mosta la «Karony» źlivajucca kałona pratestoŭcaŭ, jakaja pryjšła ad Steły, z kałonaj, jakaja była na Kalvaryjskaj. Ciapier ahulnaja kałona, u jakoj dziasiatki tysiač čałaviek, ruchajecca pa Kalvaryjskaj u bok Puškinskaj.
Fota Badzima Zamiroŭskaha
Fota Badzima Zamiroŭskaha
Prachodziačy mima «Kaskada», kałona skanduje «Kaskad — małajcy!». U adkaz žychary mikrarajona vyviesili z akon i bałkonaŭ dziasiatki nacyjanalnych ściahoŭ.
15:42
U 15.40 adkryty stancyi mietro «Płošča Lenina», «Kastryčnickaja», «Kupałaŭskaja», «Płošča Pieramohi», «Płošča Jakuba Kołasa».
15:41
Amapaŭcy zahnali ŭ «Arena-Sici» 150-200 čałaviek. Dvuch chłopcaŭ zatrymali.
15:35
U kałonie pa Arłoŭskaj iduć nie mienš za 10 tysiač čałaviek.
15:20
Tysiačy ludziej vyjšli na pratest u Breście. Skandujuć: «Vierym, možam, pieramožam!»
15:10
Na prajeznaj častcy praśpiekta Pieramožcaŭ užo kala 10 tysiač čałaviek. Ludzi iduć u bok steły «Minsk — horad-hieroj». Častka ludziej zbočyła na Mašerava i ruchajecca ŭ bok Cimirazieva.
Niekalki kałon syšłosia ŭ rajonie płoščy Banhałor, prajšli Park družby narodaŭ i idzie ŭ napramku praśpiekta Pieramožcaŭ i Drazdoŭ.
15:03
Akcyja ŭ Hrodnie, fota Kaciaryny Hardziejevaj.
14:59
Siłaviki nie zdoleli razahnać vialikuju kałonu demanstrantaŭ na Mielnikajcie. Ludzi rušyli da Steły. Tudy ž kirujucca tysiačy demanstrantaŭ pa praśpiekcie Pieramožcaŭ i Niamizie
14:57
U Minsku znoŭ prablemy z mabilnym internetam. U apierataraŭ A1 i MTS u centry horada jon całkam nie pracuje, z life:) situacyja pakul nie zrazumiełaja.
14:56
U rajonie płoščy Banhałor kala troch tysiač čałaviek. Pobač stajać busiki, ale zatrymańniaŭ pakul niama. Kałona pakul nie ruchajecca, čakajuć ludziej.
14:51
U 14.40 na ŭvachod i vychad začynienyja stancyi mietro Płošča Lenina, Kastryčnickaja, Kupałaŭskaja, Płošča Pieramohi, Płošča Jakuba Kołasa, Niamiha, Frunzienskaja. Ciahniki iduć biez prypynku na hetych stancyjach.
14:50
Niekalki tysiač demanstrantaŭ sabralisia na vulicy Mielnikajcie. Pryjechali niekalki socień siłavikoŭ, aŭtazaki. Pačalisia zatrymańni, ludziej adciaśniajuć da praśpiekta Pieramožcaŭ
14:45
Siłaviki pašychtavalisia na vulicy Tanka, pabiehli ŭ kirunku demanstrantaŭ
14:39
Siłaviki źjechali z Załatoj Horki. Kali siłaviki razhaniali natoŭp, ludzi kryčali tym, chto byŭ na bałkonach, kab adčyniali dźviery ŭ padjezdy. U vyniku paśla začystki dziasiatki ludziej vychodziać z padjezdaŭ. Taksama paciarpieła kaviarnia «Zierno», tam pieraviarnuli stoliki i pabili posud. Jość zatrymanyja.
14:38
Na Staražoŭskaj kałona ŭ niekalki socień čałaviek. Pryjšli z boku praśpiekta.
14:37
14:35
Kala 10 tysiač demanstrantaŭ sabrałasia ŭ rajonie Jubilejnaj płoščy, mietro Frunzienskaja. Siudy pierajšli i ludzi, jakich vycieśnili ź Niamihi.
14:33
Niekalki tysiač čałaviek sabralisia na praśpiekcie Pieramožcaŭ. Ludzi stajać z boku handlovaha centra «Halereja». Skandujuć: «heta naš horad». Da ich z usich bakoŭ padciahvajucca inšyja demanstranty. Uzdoŭž praśpiekta jeździać aŭtazaki, aŭtobusy biez numaroŭ (pajechali ŭ bok Pałaca sportu). Padjechali aŭtazaki, ź ich vybiehli bajcy, ludzi raźbiehlisia, nyrnuli ŭ dvary. Pakul zatrymanych nie vyvodzili, piša Tut.by
14:30
U rajonie Niamihi siłaviki razhaniajuć kałonu pratestoŭcaŭ
14:27
14:26
Praśpiekt Niezaležnaści ŭ rajonie płoščy Jakuba Kołasa. DAI pierakryli dla ruchu vulicu Čyrvonuju, što złučaje płošču Jakuba Kołasa i vulicu Mašerava
14:21
Siłaviki raźbivajuć natoŭp i honiać ludziej u advarotny bok. Ludzi raźbiahajucca ŭ bok płoščy Jakuba Kołasa
14:20
Na rahu praśpiektaŭ Niezaležnaści i Mašerava kałona sustreła busy ź cicharami krykami «Hańba». Zaŭvažana i vajskovaja technika.
14:16
Na Niamizie ŭ rajonie «Halerei» sabrałasia kala 2 tysiač čałaviek.
14:09
Na praśpiekcie Dziaržynskaha znachodzicca 10 busaŭ biez numaroŭ, kala piaci vajennych mašyn, śpiecnaz, u formie ŭnutranych vojskaŭ - kala 50 čałaviek. Pravaachoŭniki honiać ludziej pa praśpiekcie ad centra. Pa słovach vidavočcaŭ, zatrymali bolš za 20 čałaviek - i mužčyn, i žančyn. Siłaviki pakidajuć miesca dysłakacyi, nakiroŭvajucca ŭ bok Niamihi, piša Tut.by.
14:05
Niekalki sotniaŭ demanstrantaŭ z vokličami «Žyvie Biełaruś» rušyli pa chodnikach ad Niamihi ŭ bok Pałacu sportu. Da ich dałučajucca inšyja ludzi
14:02
Kałona pratestoŭcaŭ idzie pa praśpiekcie Niezaležnaści ź Jakuba Kołasa da płoščy Pieramohi
13:40
Šmattysiačnuju kałonu demanstrantaŭ, jakaja išła z Hrušaŭki, spynili i «raśsiejvajuć» na padychodzie da płoščy Bahuševiča. Šmat AMAP, aŭtazakaŭ. Jość zatrymańni.
Fota Dźmitryja Bruško, Tut.by
13:25
Na Hrušaŭcy da prysutnych ludziej padjechali mikraaŭtobusy, ź jakich zvyčajna vybiahajuć nieviadomyja ŭ bałakłavach i siłaj zaciahvajuć nazad ludziej. Ludzi, jakija sabralisia stali ŭ ściepku, mikraaŭtobusy prajechali krychu napierad. Paźniej kałona ź bieł-čyrvona-biełymi ściahami vysunułasia ŭ bok centra.
13:15
13:03
Na Majakoŭskaha zatrymali troch čałaviek, što išli ź bieł-čyrvona-biełym ściaham, piša Anłajnier
12:50
U rajonie HUMa siłaviki dahladajuć ludziej z sumkami i partfielami
12:48
Da Pałaca Niezaležnaści ściahnuli braniatechniku, piša ria.ru ŭ telehram-kanale
12:35
Kastryčnickaja płošča ačeplena ludźmi sa zbrojaj.
Siońnia nie pracuje znoŭ handlovy centr «Zamak» na praśpiekcie Pieramožcaŭ. U infacentry nie zmahli skazać, adkryjecca jon siońnia i a jakoj hadzinie.
11:45
Płošča Niezaležnaści i Steła taksama ačeplenyja. Praŭda, Steła pakul biez kalučaha drotu.
10:58
Ranica pačynajecca tradycyjna: sa ściahvańnia śpiectechniki ŭ centr.
Śpiectechnika zaŭvažanaja ledź nie va ŭsich kancach horada — u rajonie treciaj haradskoj balnicy la stadyjona «Dynama», na vulicy Mašerava, praśpiektach Niezaležnaści i Pieramožcaŭ. Taksama siłaviki ŭžo pačali aharodžvać Kastryčnickuju płošču
10:55
