SK
Zdareńnie adbyłosia viečaram 1 vieraśnia kala 23:10, piša SK u telehram-kanale.
U milicyju pastupiła paviedamleńnie: 54-hadovy haspadar adnoj z kvater uklučyŭ haz i nikoha nie puskaje dachaty.
Na miesca vyjechali ekstrannyja słužby. Ale da ich pryjezdu adbyŭsia vybuch hazapavietranaj sumiesi. U vyniku byli paškodžany pierakryćcie pamiž 1 i 2 pavierchami, nie mienš za 4 aŭtamabili, pryparkavanyja pobač z domam, vybityja šyby.
Žycharoŭ doma nieadkładna evakujavali, nichto ź ich nie paciarpieŭ. Haspadar kvatery z termičnymi apiokami tvaru i cieła dastaŭleny ŭ balnicu.
U dačynieńni da mužčyny raspačata kryminalnaja sprava pa č. 2 art. 218 (naŭmysnyja źniščeńnie albo paškodžańnie majomaści, ździejśnienyja ahulnaniebiaśpiečnym sposabam).
Praciahvaje pracavać śledča-apieratyŭnaja hrupa.
