Fota Vadzima Zamiroŭskaha
Učastkovyja kamisii mohuć ŭstalavać prapuskny režym — pry ŭvachodzie na ŭčastki ŭ vypadku vialikaha skapleńnia ludziej. Pra heta ŭ efiry «Biełaruś 1» zajaviła kiraŭnik CVK Lidzija Jarmošyna, piša Tut.by
- Chacieła b źviarnucca da vybarščykaŭ, kab jany nie ciahnuli, kab jany prychodzili na ŭčastki ŭsio ž taki ŭ asnoŭnym u ranišnija abo dzionnyja hadziny. Bo ŭ viačernija hadziny pa mienšaj miery apanienty ŭłady abiacajuć navała ludziej. Heta značyć, što ŭ vybarčych kamisijach učastkovych budzie ŭstalavany prapuskny režym, budzie zapuskacca tolki taja kolkaść vybarščykaŭ, kolki členaŭ kamisii vydajuć vybarčyja biuleteni. A ich viečaram budzie mienš, u siłu taho, što častka pajedzie ź pieranosnymi skryniami zabiaśpiečvać hałasavańnie doma — - zajaviła Lidzija Jarmošyna.
Jana taksama papiaredziła, što ŭ 20.00 učastki zakryjuć i kali buduć čerhi, to žadajučyja prahałasavać mohuć nie paśpieć heta zrabić.
