Fota Kaciaryny Praśniacovaj, flickr.com
Palittechnołahu Vitalu Šklaravu pradjavili abvinavačvańnie pa 342 artykule Kryminalnaha kodeksa Biełarusi — «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich». Pra heta telekanału «Dožd́» paviedamiŭ jahony advakat Anton Hašynski. Abarona maje namier abskardzić abvinavačvańnie.
Pa słovach Hašynskaha, Šklaraŭ admaŭlaje svaju vinu i nie viedaje, «ci byli hetyja padziei [u jakich jaho abvinavačvajuć] naohuł»…
Maksimalnaje pakarańnie pa hetym artykule składaje try hady pazbaŭleńnia voli.
Valeryja Šklarava zatrymali ŭ Minsku 29 lipienia. Dziaržaŭny biełaruski telekanał ANT paviedamlaŭ, što zatrymańnie Šklarava źviazanaje ź jahonaj pracaj na Siarhieja Cichanoŭskaha — muža kandydata ŭ prezidenty Śviatłany Cichanoŭskaj, jaki ad 29 maja znachodzicca ŭ SIZA.
U štabie Śviatłany Cichanoŭskaj zajavili, što Šklaraŭ nie pracavaŭ na jaje muža.
4 žniŭnia Šklaraŭ paviedamiŭ praz svajho advakata, što supracoŭniki SIZA akazvajuć na jaho psichałahičny cisk.
