Čerhi na asobnych punktach dasiahnuli šmatkiłamietrovaj daŭžyni.
31 lipienia źjaviłasia infarmacyja pra čerhi na miažy Biełarusi i Rasii. Ludzi pišuć u sacyjalnych sietkach, što ciapier rasijskija pamiežniki praviarajuć dakumienty ŭ tym liku ŭ kiroŭcaŭ, jakija jeduć u Biełaruś. Kali dakumientaŭ niama, to z terytoryi Rasii nie vypuskajuć.
Fota: https://www.facebook.com/yury.voskresensky
Pryčyny dakładna nieviadomyja.
«My praviarajem ustanovačnyja źviestki ludziej, moža heta i vyklikała peŭnyja čerhi», — paviedamili «Našaj Nivie» ŭ pamiežnym upraŭleńni FSB pa Smalenskaj vobłaści.
Praŭda, ź jakoj metaj raptam zładzili pravierku smalenskija pamiežniki, rastłumačyć nie zmahli i paraili źviartacca z hetym pytańniem u Maskvu.
Ź biełaruskaha boku miažy nijakaha ŭzmacnieńnia kantrolu nie nazirajecca, niahledziačy na raniejšyja zajavy pra nibyta kancentracyju bajevikoŭ u rajonie Pskova i Nieviela kala biełaruskaj hranicy.
A voś što robicca na miažy ŭ vyniku ŭzmacnieńnia rasijskaha kantrolu:
Uzmacnieńnie kantrolu z rasijskaha boku adbyłosia, paśla taho jak 29 lipienia Minsk zajaviŭ pra zatrymańnie ŭ adnym z sanatoryjaŭ pad Minskam 33 bajevikoŭ z rasijskaj pryvatnaj vajennaj kampanii. 30 lipienia pasoł Rasii patłumačyŭ ich prysutnaść u Biełarusi tym, što jany kiravalisia praź Minsk u Stambuł, ale ź niajasnych pakul pryčyn spaźnilisia na rejs.
Čytajcie taksama:
«Biaruć numar mabilnaha, «stamatałohiju» nie puskajuć». Biełarus raspavioŭ, što adbyvajecca ŭ čerhach na miažy z Rasijaj
