U Minsku zatrymali 46-hadovaha mužčynu, jaki niekalki tydniaŭ «zarablaŭ» kradziažom tuj. Paśla vykradańnia jon pradavaŭ sadžancy na rynku i kuplaŭ vypiŭku, paviedamlaje MUS.
U milicyju źviarnulisia minčuki i pradstaŭnik jurydyčnaj asoby. Jany paviedamili pra źniknieńnie 42 tuj.
Pravaachoŭniki vyśvietlili asobu vykradalnika. Im akazaŭsia 46-hadovy žychar stalicy. Viečaram ci ranicaj, kali na vulicach horada było praktyčna biaźludna, jon vyryvaŭ vysadžanyja nievialikija tui ŭ dvarach. Paśla pradavaŭ ich na adnym z rynkaŭ stalicy pa 5 rubloŭ za štuku. A hrošy traciŭ na ŭłasnyja patreby, u asnoŭnym na śpirtnyja napoi.
Uron skłaŭ bolš za 900 rubloŭ. Supracoŭniki milicyi šukajuć inšych paciarpiełych.
0
0
0
0
0
0
