Bałharyja padoŭžyć režym nadzvyčajnaj epidemijałahičnaj situacyi da kanca žniŭnia. Pra heta ŭ paniadziełak na bryfinhu paviedamiŭ premjer-ministr krainy Bojka Barysaŭ, piša TASS.
«Epidemijałahičnaja situacyja niespryjalnaja, pryniataje rašeńnie, i ministr achovy zdaroŭja vypuścić rasparadžeńnie ab praciahu nadzvyčajnaj epidemijałahičnaj situacyi na adzin miesiac», - paviedamiŭ kiraŭnik urada.
Aproč taho, u Bałharyju pry najaŭnaści admoŭnaha testu na karanavirus, zroblenaha nie raniej za 72 hadziny pierad pierasiačeńniem miažy, buduć dapuščanyja turysty z Małdovy, Izraila, Sierbii, Kuviejta i Paŭnočnaj Makiedonii.
Atrymlivajecca, što dla biełarusaŭ adnosna nie darahaja Bałharyja hetym letam kančatkova zakryta.
Za apošnija sutki ŭ Bałharyi vyjaŭlena 115 vypadkaŭ karanavirusa, na 74 mienš za dzień raniej. Usiaho z pačatku pandemii 10 427 vypadkaŭ. Usiaho za čas epidemii ŭ krainie zafiksavana 340 śmiarotnych vypadkaŭ.