Fota Nadziei Bužan

Fota Nadziei Bužan

Eks-kiraŭnik Parka vysokich technałohij Valeryj Capkała, jaki pretendavaŭ na pasadu prezidenta Biełarusi, nie pakidaŭ terytoryju krainy, tym bolš z dapamohaj amierykanskich śpiecsłužbaŭ, zajaviŭ «Interfaksu-Zachad» pres-sakratar Capkały Alaksiej Urban u čaćvier.

«Biełaruś heta sapraŭdy jeŭrapiejskaja dziaržava, ale jana nie ŭvachodzić u skład Jeŭrapiejskaha sajuza. Valeryj Capkała ŭ dadzieny momant znachodzicca na terytoryi Biełarusi, nie chavajučy hetaha fakta. I ŭ hety klučavy pieryjad dla svajoj krainy praciahvaje aktyŭny ŭdzieł u palityčnym pracesie», — skazaŭ Urban, kamientujučy źjaŭleńnie ŭ šerahu telehram-kanałaŭ infarmacyi, što Capkała byŭ evakujavany ŭ adnu ź jeŭrapiejskich dziaržaŭ z dapamohaj amierykanskich śpiecsłužbaŭ.

Miž tym, Urban paćvierdziŭ, što na praciahu dvuch apošnich tydniaŭ u jaho nie było vočnych sustreč z Capkałam, kantakt adbyvajecca pa telefonie i miesiendžarach. «U mianie niama i cieniu sumnieńniaŭ, što Valery Capkała znachodzicca i pracuje ŭ krainie. Pieryjad jaho adsutnaści na publicy byŭ źviazany z padazreńniem na karanavirus i niežadańniem «zarazić» inšych», — skazaŭ pres-sakratar.

Pavodle jaho słoŭ, u čaćvier čakajecca «sumiesny strym Valeryja i Vieraniki Capkałaŭ». Urban taksama paviedamiŭ, što «Valeryj Capkała źjavicca na publicy ŭ nabližejšy čas, mahčyma, u adnoj z rehijanalnych pajezdak».

Клас
Панылы сорам
Ха-ха
Ого
Сумна
Абуральна