U CVK abnavili źviestki ab pamierach vybarčych fondaŭ kandydataŭ u prezidenty.
Na rachunki piaci zarehistravanych kandydataŭ pastupiła 298 940 rubloŭ. Bolš za ŭsio — u fond Alaksandra Łukašenki, jakoha padtrymali na sumu 237 994 rubli. U červieńskaj statystycy dziejny kiraŭnik krainy nie značyŭsia ŭvohule.
Druhi abjomam vybarčy fond u Śviatłany Cichanoŭskaj — 51 777 rubloŭ. Dalej iduć Hanna Kanapackaja — 4 000, Siarhiej Čeračań — 2 600, Andrej Dźmitryjeŭ — 2 562.
Za minuły miesiac na rachunki Kanapackaj i Čeračnia novych pieravodaŭ nie było. Pamier vybarčaha fondu nie pavinien pieravyšać 243 tysiačy rubloŭ (9 tysiač bazavych vieličyń).
Usie kandydaty vydatkavali ahułam 13 708 rubloŭ, bolš za inšych Śviatłana Cichanoŭskaja — 5 893 rubli. Vydatki Hanny Kanapackaj skłali 3 000 rubloŭ, Siarhieja Čeračnia — 2 500, Alaksandra Łukašenki — 1 354, Andreja Dźmitryjeva — 915.
