Mužčynu, jaki 21 lipienia zachapiŭ aŭtobus z pasažyrami, čakaje psichijatryčnaja ekśpiertyza. Pra heta skazaŭ namieśnik ministra ŭnutranych spraŭ Ukrainy Anton Hieraščanka, paviedamlaje strana.ua.
Zatym jon koratka apisaŭ, što budzie z terarystam u najbližejšy čas akramia abśledavańnia ŭ psichijatraŭ. «Dalej jaho čakaje sudovaja pracedura, jon budzie zatrymany, jamu budzie abranaja miera strymańnia. Vidavočna, heta budzie ŭtrymańnie pad vartaj biez alternatyvy. I dalej jon budzie nieści adkaznaść za toje, što ździejśniŭ. Jamu inkryminujecca terarystyčny akt, zachop zakładnikaŭ. Ale z-za taho, što nichto nie zahinuŭ, mahčyma, jon atrymaje nie pažyćciovy termin, a praciahły termin źniavoleńnia», — sprahnazavaŭ Hieraščanka.
Aŭtobus byŭ zachopleny ŭ centry Łucka ranicaj 21 lipienia. Zachopnikam akazaŭsia ŭradženiec Arenburhskaj vobłaści Rasii, jaki pražyvaje va Ukrainie, Maksim Kryvoš. Sam jon nazvaŭ siabie Maksim Płachoj.