Fota Nadziei Bužan
18—19 lipienia biełaruskija ajcišniki z roznych krain praviali anłajn-chakaton Social Technology Hackathon 2020. Jany raspracoŭvali techničnyja rašeńni dla alternatyŭnaha padliku hałasoŭ na prezydenckich vybarach 9 žniŭnia, paviedamlaje Radyjo Svaboda.
Pavodle arhanizataraŭ, chakaton prajšoŭ vielmi efektyŭna. Zarehistravałasia na ŭdzieł kala 500 čałaviek, bolš za 200 ź ich byli vielmi aktyŭnyja. Mentary byli davoli vysokaha ŭzroŭniu, kandydaty navuk, ekanamisty z salidnym stažam, ludzi, jakija stvarali svaje prajekty i paśpiachova skančali ich. Było šmat cikavych prapanoŭ, jakija adrazu ž prapracoŭvalisia.
Arhanizatary chakatonu abiacajuć raspavieści pra padrabiaznaści krychu paźniej.
19 lipienia na pieršym mitynhu abjadnanaha štabu Viktara Babaryki, Śviatłany Cichanoŭskaj i Valera Capkały Vieranika Capkała skazała, što ŭ chakatonie ŭdzielničajuć bolš za 200 IT-supracoŭnikaŭ, nieabyjakavych hramadzian, jakija žyvuć u Biełarusi, Ukrainie, Niamieččynie, Rasiei, inšych krainach, i abjadnanyja jany adnoj zadačaj — damahčysia pieramienaŭ u Biełarusi.
«Tamu meta chakatonu — raspracoŭka novych IT-instrumentaŭ, jakija ŭskładniajuć falsyfikacyi na vybarach. Dziakuj, ajcišniki, vy robicie vialikuju spravu dla svajoj krainy», — zajaviła Vieranika Capkała.
Ciapier arhanizatary chakatonu zaniatyja systematyzacyjaj prajektaŭ i idej. Najbolš karysnyja i cikavyja nieabchodna ŭvasobić u niekalki supolnych rašeńniaŭ, kab jany pracavali na ahulnuju metu: sumlennyja vybary.
Užo stvorana platforma dla naziralnikaŭ i vybarcaŭ dla kantrolu za chadoj vybarčaha pracesu — zubr.in. Heta adzinaja systema anłajn-manitorynhu, dzie možna daviedacca pra kožnaha z kandydataŭ i pra ich kampanii, pra lubuju arhanizacyju, jakaja zadziejničana ŭ vybarach, pra siabroŭ vybarčych kamisij na lubym učastku dla hałasavańnia.
Meta prajektu zubr.in — fiksavać, apracoŭvać i adlustroŭvać usie źviestki pra praces vybaraŭ u Biełarusi ŭ režymie realnaha času.
Było šmat idej, jak ažyćciaŭlać niezaležny padlik i jak pravodzić ahitacyju.
Na pytańnie Svabody, nakolki realna ŭvasobić hetyja prajekty ŭ krainie, dzie ŭ luby momant mohuć «vyrubić» internet, ci ŭličvalisia inšyja asablivaści i niespadziavanki, arhanizatary adkazali, što idei realizoŭvajucca, nie zvažajučy na palityčnyja realii. Biuleteni buduć apracoŭvacca z dapamohaj štučnaha intelektu. Tut ničoha składanaha dla vybarnika — pavinny być Telegram, Viber i kamera na telefonie. Astatniaje ŭsio robicca nie ŭ Biełarusi.