Pastaŭka nafty z ZŠA nie była adnarazovym krokam, pastaŭki buduć praciahvacca ŭ ramkach doŭhaterminovaj prahramy. Pra heta paviedamiŭ žurnalistam ministr zamiežnych spraŭ Uładzimir Makiej, pieradaje BiełTA.
Ministr padkreśliŭ, što pry pošuku pastaŭščykoŭ nafty Biełaruś kirujecca ŭ pieršuju čarhu pryncypami ekanamičnaj metazhodnaści.
Uładzimir Makiej nahadaŭ pra daručeńnie Łukašenki zabiaśpiečyć kala 30% nieabchodnaha abjomu nafty za košt pastavak z alternatyŭnych krynic. «Pastaŭka amierykanskaj nafty, jakaja adbyłasia ŭ pačatku červienia, — heta nie adnarazovy krok, a doŭhaterminovaja prahrama. Sapraŭdy hetak ža, jak my majem namier aktyŭna pracavać nad pastaŭkami vuhlevadarodaŭ ź inšych krynic, u tym liku ź Blizkaha Uschodu, inšych dziaržaŭ», — adznačyŭ jon.
