Zdareńnie adbyłosia viečaram 24 červienia ŭ Homieli. 41-hadovy mužčyna z žonkaj pavinny byli źjechać dadomu, tamu vyklikali taksi, paviedamlaje MUS.
U mašynie mužčyna zasnuŭ, a ŭ hety čas jaho žonka paprasiła kiroŭcu zajechać u kramu kupić korm dla žyvioł. Taksist admoviŭ, spasłaŭšysia, što ŭ zamovie paznačany kankretny maršrut, ad jakoha adchilacca nielha.
Tut muž pračnuŭsia, nie raźbirajučysia ŭ situacyi, pačaŭ aburacca. U vyniku para vyrašyła anulavać pajezdku. Vychodziačy z sałona, pasažyry praciahvali skandalić. Pry hetym mužčyna, začyniajučy dźviery, pryščamiŭ sabie palec. Heta razzłavała jaho jašče bolš, tamu jon nakinuŭsia na taksista — staŭ dušyć jaho i pahražać raspravaj.
U milicyju pra situacyju paviedamili minaki. Muža i žonku dastavili ŭ rajadździeł i skłali pratakoły za drobnaje chulihanstva. Akramia taho, dziejańni hamialčanina śledčyja kvalifikavali jak pahrozu zabojstvam i raspačali kryminalnuju spravu. Padazravanaha adpravili ŭ izalatar.
Mužčyna ŭžo pryciahvaŭsia da kryminalnaj adkaznaści za chulihanstva. Jon taksama prachodzić pa jašče adnoj kryminalnaj spravie jak padazravany ŭ kradziažy.
