Pra vypadak paviedamlaje aficyjny pradstaŭnik MUS Volha Čamadanava ŭ svaim telehram-kanale.
Zdareńnie adbyłosia ŭ niadzielu pryblizna ŭ 10:30. Inśpiektary DAI Zavodskaha RUUS ruchalisia pa Partyzanskim praśpiekcie. Kala stancyi mietro «Mahiloŭskaja» nasustrač im vybieh kiroŭca ź lehkavika, što stajaŭ na «avaryjcy».
Mužčyna paprasiŭ dapamohi: u mašynie znachodzicca novanarodžanaje dzicia, jano zadychajecca, a bryhada chutkaj miedycynskaj dapamohi pakul nie prybyła.
Supracoŭniki DAI prapanavali svaju dapamohu. Z uklučanymi probliskavymi majačkami i hukavoj sihnalizacyjaj inśpiektary nakiravalisia da bližejšaj balnicy.
Ubačyŭšy na vulicy Kabuškina «chutkuju», milicyjanty pieradali dzicia miedykam. Jaho žyćciu i zdaroŭju jamu ničoha nie pahražaje.
