21-hadovy Ivan Bachar — futbalist minskaha «Dynama», jakoha letaś pačali vyklikać u zbornuju Biełarusi. Napadnik paśpieŭ pravieści 4 hulni za hałoŭnuju kamandu krainu.
Paŭhoda tamu adzin z samych pierśpiektyŭnych futbalistaŭ Biełarusi ažaniŭsia. Jaho žonka Ksienija Bachar prajaviła aktyŭnuju hramadzianskuju pazicyju — sabrała podpisy, kab ŭvajści ŭ skład vybarčaj kamisii, piša «Trybuna».
Miarkujučy pa ŭsim, svaim podpisam dziaŭčynu pieršym padtrymaŭ Ivan Bachar — u hrafie «data naradžeńnia» ŭkazvajecca 10 lipienia 1998 hoda, što supadaje z dadzienymi futbalista.
Pahladzieŭšy videa žorstkich zatrymańniaŭ u centry Minska, Ksienija nie moža ni spać, ni jeści.
«Niachaj mianie rasstralajuć, niachaj mianie pasadziać. Ja nie chaču žyć u takoj krainie. Hidka da niemahčymaści», — napisała Ksienija. A paźniej dadała dopisam: «Brydka. Ale nie strašna. Užo nie strašna. Bo nas šmat, usie bačać i razumiejuć padtrymku adzin adnaho. Takoha jašče nie było nikoli. Prosta pakaleńnie vyrasła. Advažnaje pakaleńnie. Kraina dla naroda, a nie narod dla krainy. My pieramožam».
