Alaksandr Łukašenka padpisaŭ ukaz №227, pavodle jakoha TAA «HardServis» atrymlivaje prava akazvać achoŭnyja pasłuhi, paviedamlaje BiełTA.
Pry hetym kampanii dazvolena nabyvać va ŭłasnaść, zachoŭvać i pieradavać svaim rabotnikam słužbovuju i cyvilnuju zbroju i bojeprypasy da jaje dla akazańnia achoŭnych pasłuh. Ab zaklučeńni i spynieńni damoŭ na akazańnie achoŭnych pasłuh «HardServis» abaviazana infarmavać Ministerstva ŭnutranych spraŭ.
U dadatku da ŭkaza pieraličanyja pasłuhi, jakija moža akazvać kampanija. Heta achova abjektaŭ i majomaści, pryjom sihnałaŭ tryvohi sistem achoŭnaj i tryvožnaj sihnalizacyi i reahavańnie na hetyja sihnały, pieravozka i achova majomaści, supravadžeńnie tavaraŭ i transpartnych srodkaŭ, prajektavańnie, mantaž, naładka i techničnaje absłuhoŭvańnie srodkaŭ i sistem achovy.
Supracoŭniki TAA «HardServis» pavinny źjaŭlacca hramadzianami Biełarusi, prachodzić pravierku ŭ orhanach unutranych spraŭ i dziaržaŭnaj biaśpieki, a taksama adpaviadać patrabavańniam, ustanoŭlenym dla rabotnikaŭ vajenizavanaj achovy. Pry vykanańni słužbovych abaviazkaŭ jany majuć prava na našeńnie, zachoŭvańnie, prymianieńnie i vykarystańnie słužbovaj i cyvilnaj zbroi, śpiecyjalnych srodkaŭ i fizičnaj siły.
