Natalla Kačanava, fota Volhi Šukajła, Tut.by
Na sustrečy staršyni Savieta Respubliki Natalli Kačanavaj z pradstaŭnikami apazicyjnych kandydataŭ u Baranavičach prahučała pytańnie:
— 10 žniŭnia ja vyjdu na vulicu i skažu, što ja hałasavaŭ nie za taho čałavieka, jaki nabraŭ 83%. Jak vy sabie ŭjaŭlajecie hetuju situacyju? Jość dva varyjanty raźvićcia padziej: nie pahadzicca z narodam, a adstojvać svoj punkt hledžańnia abo vy pahadžajeciesia z narodam.
Kačanava stała spračacca:
«Nu vy ž, zdajecca, razumnyja ludzi, ja kožnaha z vas słuchaju i razumieju, što ŭ kožnym z vas mnie padabajecca, što ŭ vas jość pierakanańni.
Vy ŭsie razumnyja ludzi, vy ŭsie vydatna razumiejecie, bolš za toje, viedajecie, što vas u lubym vypadku nie bolšaść.
Ja sustrakajusia z vami, hetak ža ja sustrakajucsia z pracoŭnymi kalektyvami, z aktyvam, ja šmat jezdžu pa krainie.
Voś my byli ŭ maim rodnym Połacku, vyjšli z narady pa ŽKH, a tam pryjšli ludzi, i ludzi hetyja pryšli prosta, ich nie zaprašali na sustreču z Łukašenkam, z Kačanavaj, i ludzi kryčali: «Alaksandr Ryhoravič, zastavajciesia z nami!» Im niechta heta naviazaŭ? U ich svajo mierkavańnie takoje.
Vy ličycie, što vas bolšaść, a jany ličać, što ich bolšaść. I kali my siońnia hladzim pa zborach podpisaŭ, to my bačym, kaho bolšaść», — adkazała jana.
Adkaz na pytańnie Kačanava zakončyła nastojlivaj paradaj:
— Vy pavinny zrabić tak, jak ja vam zaraz skažu: vy pavinny nie dapuścić nijakich nieparadkaŭ.
Novaje śpieczadańnie Kačanavaj: sustrakajecca z prychilnikami apazicyi ŭ rehijonach i vysłuchoŭvaje ich
