U dadatak da pietycyi na Change.org źjaviłasia inšaja na Petitions.by, jakaja maje jurydyčnuju vahu i budzie nakiravana ŭ dziaržaŭnyja orhany.
Pietycyja na Change.org z patrabavańniem vyzvalić Viktara Babaryku źjaviłasia ŭ čaćvier, pa stanie na ranicu niadzieli jaje padpisali ŭžo bolš za 203 tysiačy čałaviek.
«My, hramadzianie Biełarusi, patrabujem vyzvalić z-pad varty kandydata ŭ prezidenty Respubliki Biełaruś Viktara Babaryku i spynić pieraśledy ŭ dačynieńni da dadzienaha kandydata, členaŭ jaho siamji, siabroŭ, byłych kaleh, udzielnikaŭ inicyjatyŭnych hrup, zborščykaŭ podpisaŭ i lubych hramadzian, jakija padtrymlivajuć jaho ŭ roli kandydata na pasadu Prezidenta Respubliki Biełaruś.
Zatrymańnie Viktara Babaryki źjaŭlajecca hrubym parušeńniem čałaviečych pravoŭ u dačynieńni da samoha Viktara Babaryki, a taksama hramadzian Respubliki Biełaruś, jakija žadajuć addać svoj hołas za jaho na prezidenckich vybarach 2020 hoda.
My patrabujem zabiaśpiečyć zakonnaść i roŭnyja mahčymaści dla praviadzieńnia vybarčaj kampanii ŭsich pretendentaŭ na pasadu prezidenta Biełarusi», — zaklikajuć aŭtary pietycyi.
Anałahičnaja pietycyja na Petitions.by, jakaja maje jurydyčnuju vahu i budzie nakiravana ŭ dziaržaŭnyja orhany, na hety momant sabrała 8000 podpisaŭ.