Jak paviedamlałasia, paśla sustrečy ź Viktaram Babarykam u Salihorsku milicyja zatrymała žurnalistaŭ telekanała «Biełsat» Alaksandra Barazienku i Halinu Abakunčyk.
Milicyja błakavała žurnalistaŭ na vyjeździe z horada. Jany paśpieli paviedamić, što na vyjeździe z horadu ich pieraśledvaŭ mikraaŭtobus na tranzitnych numarach. Paśla mašynu spyniła DAI.
Žurnalistaŭ zatrymlivaŭ major Aleh Šałocha. Ciapier ich viazuć u adździaleńnie ŭnutranych spraŭ dla składańnia pratakoła za pracu biez akredytacyi.
22:00. Alaksandra Barazienku vyzvalili. Skłali pratakoł za pracu biez akredytacyi i zabrali telefon na ekśpiertyzu.
0:00. Stała viadoma, što Halina Abakunčyk taksama na voli, piša BAŽ.
Nahadajem, što telekanał «Biełsat» šmat razoŭ źviartaŭsia ŭ Ministerstva zamiežnych spraŭ Biełarusi pa akredytacyju, ale ŭvieś čas atrymlivaje admovy.
