Ułady pryznačyli vybary na 9 žniŭnia, a nie na 30 žniŭnia, jak mierkavałasia raniej. Što heta značyć?
Padać dakumienty na rehistracyju inicyjatyŭnaj hrupy treba da 15 maja — zastaŭsia ŭsiaho tydzień.
Apazicyja da hetaha katastrafična nie hatovaja, pakul navat nie vyrašana, što rabić z prajmieryz. Źbiralisia pravodzić kanhres, ale jaki tut kanhres, choć by paśpieć skłaści inicyjatyŭnuju hrupu Juryju Hubareviču ci Mikałaju Kazłovu.
Situacyja z błohieram Siarhiejem Cichanoŭskim jašče bolš dramatyčnaja.
Cichanoŭski znachodzicca za kratami i nie zmoža padać dakumienty ŭ CVK.
U pryncypie, Łukašenka taksama nie chodzić na rehistracyju da Jarmošynaj, ale musić być chacia b aformlena nataryjalnaja davieranaść na kahości z paplečnikaŭ, jaki i zrobić papiarovuju pracu. Ci rychtavaŭsia voŭk-adzinočka Cichanoŭski da takoha scenaru?
