Uviečary 3 maja bresckija pamiežniki zatrymali hramadzianku Rasii niepadalok ad polskaj miažy, paviedamlaje Dziaržpahrankamitet.
Pieršapačatkova dziaŭčyna zajaviła, što šukała pablizu kramu. «Pry hetym dla šopinhu ŭ jaje byŭ śpiecyfičny bahaž: pałatka, spalny miašok i torba z rečami. Paźniej vyśvietliłasia, što ŭ smartfonie byli navat karty niekalkich učastkaŭ biełaruska-polskaj miažy», — raspaviali ŭ Dziaržpamiežkamitecie.
Paśla žycharka Ćviarskoj vobłaści raspaviała: u pačatku hoda ŭ Indyi paznajomiłasia z mužčynam z Francyi, a ciapierašniaja abstanoŭka ŭ śviecie nie dazvalaje joj naviedać kachanaha čałavieka. Mienavita tamu jana vyrašyła niezakonna pierasiekčy miažu.
U dačynieńni da hramadzianki Rasii pačaty administracyjny praces. Za niezakonnaje pierasiačeńnie dziaržaŭnaj miažy i parušeńnie pamiežnaha režymu jaje čakaje departacyja z zabaronaj ujezdu ŭ Biełaruś na piać hadoŭ.
