Prezident ZŠA Donald Tramp zahadaŭ karablam VMS ZŠA źniščać karabli Irana ŭ vypadku kanfliktu. Pra heta kiraŭnik dziaržavy napisaŭ u siabie ŭ tvitary.
«Ja prainstruktavaŭ Vajenna-marskija siły ZŠA stralać na źniščeńnie pa lubych iranskich uzbrojenych sudnach, kali jany buduć pieraśledvać našy sudny na vadzie», — napisaŭ jon.
Jak paviedamlaje ahienctva Reuters, tydniem raniej 11 karabloŭ iranskaha Korpusa vartavych isłamskaj revalucyi (KVIR) nablizilisia na niebiaśpiečnuju adlehłaść da karabloŭ ZŠA ŭ Piersidskim zalivie.
Raniej 22 krasavika stała viadoma, što KVIR zapuściŭ pieršy iranski vajenny spadarožnik. Papiaredniaja sproba zapusku pravaliłasia. Kaśmičnuju prahramu Isłamskaj respubliki ličać prykryćciom dla rakietnych raspracovak, ułady Irana hetyja abvinavačvańni admaŭlajuć.
