Film-praryŭ ukrainskaha kino «Maje dumki cichija» («Moji dumki tichi») vychodzić u biełaruski prakat z 27 lutaha. Heta pieršy za šmat hadoŭ ukrainski film, jaki vychodzić u prakat u Biełarusi, i pieršy film, jaki budzie pakazany ŭ biełaruskich kinateatrach na ŭkrainskaj movie.
Kinadebiut Antonia Łukiča — śviežaja i vynachodlivaja kamiedyja, zasnavanaja na realnych padziejach. Dvaccacipiacihadovy Vadzim žyvie tym, što zapisvaje i pradaje samyja roznyja huki. Zrešty, jon z radaściu addaŭ by ŭsio, što maje, za mahčymaść pačać žyćcio znoŭku ŭ dalokaj i vydatnaj Kanadzie. Tamu jon biez rozdumaŭ zhadžajecca na pracu, jakaja moža ŭvasobić jaho maru ŭ žyćcio. Vadzim adpraŭlajecca ŭ Zakarpaćcie zapisvać huki žyvioł i redkich ptušak. Adnak situacyja trochi ŭskładniajecca tym, što kampaniju Vadzimu ŭ padarožžy składzie mama…
Ubačyć «Maje dumki cichija» možna z 27 lutaha pa 4 sakavika ŭ «Pijaniery», Silver Screen Galileo, VOKA Cinema by Silver Screen i pa 11 sakavika ŭ Falcon Club Bucik Kino.
27 lutaha ŭ 19.00 u kinateatry «Pijanier» pierad pakazam filma z karotkim ustupnym słovam vystupić pasoł Ukrainy ŭ Biełarusi Ihar Kizim.
