Fota ź instahrama Anastasii Zinčanka
Anastasii Zinčanka admovili va evakuacyi z achoplenaha karanavirusam Uchania. Dziaŭčyna padała zajavu, adpraviła ankietu, fota pašparta i vizy dla evakuacyi, ale pasolstva admoviła: sabaka nie mieŭ patrebnych dakumientaŭ.
Zhodna z pastanovaj Ministerstva ahrarnaj palityki i charčavańnia Ukrainy dla pieravozki žyvioły za miažu (z-za miažy) patrebnyja pryščepki i inšyja dakumienty, kab prajści ŭsie sanitarnyja normy.
Dziaŭčyna adznačyła, što ŭ Mišy jość pašpart z pryščepkami (da 30 červienia 2020) i jość čyp. Jana taksama była hatova za svaje hrošy adpravić sabaku ŭ karancin i zrabić usie nieabchodnyja dakumienty, ale paśla taho, jak ich viernuć va Ukrainu.
Va Uchani heta zaraz zrabić niemahčyma z-za taho, što horad całkam začynieny i vieterynarnyja kliniki nie pracujuć.
U vyniku dziaŭčyna vyrašyła nie kidać Mišu i zastałasia ŭ Kitai.
Fota ź instahrama Anastasii Zinčanka
Historyja šyroka razyšłasia pa internecie, i Uładzimir Zialenski asabista patelefanavaŭ Anastasii.
Padčas razmovy jon raspavioŭ, što tolki niadaŭna daviedaŭsia pra toje, što žycharka krainy zastałasia ŭ Kitai. Jon paabiacaŭ uziać situacyju pad asabisty kantrol.
Fota ź instahrama Anastasii Zinčanka
U svaju čarhu, Zinčanka vykazała nadzieju, što chutka jana i jaje sabaka viernucca na radzimu. Prezident zapeŭniŭ dziaŭčynu, što ŭžo rychtujecca praces jaje evakuacyi va Ukrainu.
