Japonskaja kampanija Mitsubishi Heavy Industries vyvieła na arbitu rakietu H-IIA 202 u ramkach misii IGS Optical 7 z aptyčnym raźviedvalnym spadarožnikam.
Start rakiety adbyŭsia ŭ noč na 9 lutaha z kasmadroma Josinobu, Taniehasima na paŭdniovym zachadzie Japonii.
Information Gathering Satellite (IGS) — japonskaja ŭradavaja spadarožnikavaja prahrama. IGS Optical 7 źjaŭlajecca aptyčnym raźviedvalnym spadarožnikam i častkaj sistemy spadarožnikaŭ dla zboru infarmacyi, jakaja składajecca z kaśmičnych karabloŭ, jakija źbirajuć aptyčnyja i radyjołakacyjnyja vyjavy Ziamli.
Japonija pačała raspracoŭku IGS u kancy 1990-ch, paśla sproby Paŭnočnaj Karei zapuścić spadarožnik u 1998 hodzie, jaki nie dasiahnuŭ arbity. Adnak rakieta, jakaja niasie jaho, pierasiekła miežy Japonii padčas zapusku, što vyklikała aściarohi z boku japonskich uładaŭ.
Z dapamohaj IGS Japonija imknułasia stvaryć vyviedvalnuju bazu dla adsočvańnia mahčymych pahroz. Miarkujecca, što spadarožnik moža być vykarystany ŭradam Japonii dla adsočvańnia stychijnych biedstvaŭ i inš.
