U adnaho z hramadzian Bielhii, evakujavanaha z kitajskaha horada Uchań, vyjaŭleny novy karanavirus. Pra heta sa spasyłkaj na kiraŭnika bielhijskaha Ministerstva achovy zdaroŭja Mehi De Błok paviedamlaje Le Soir.
Usiaho z Kitaja byli evakujavanyja dziesiać hramadzian Bielhii, usich ich špitalizavali, u adnaho vyjavili karanavirus. Pa słovach ministra, pacyjent pačuvajecca dobra, u jaho simptomy VRVI. Zachvarełaha źmiaścili va ŭniviersiteckuju balnicu Sien-Pjer u Bruseli, dzie za im buduć nazirać.
Usiaho ŭ śviecie ad pnieŭmanii, jakuju vyklikaje novy typ karanavirusa, pamierli 427 čałaviek. Amal usie śmiarotnyja vypadki zafiksavanyja ŭ Kitai, jašče dva — za miažoj, na Filipinach i ŭ Hankonhu.
U Jeŭropie karanavirus vyjaŭleny ŭ Finlandyi, Šviecyi, Niamieččynie, Italii, Francyi, Brytanii, Bielhii.
MZS Kitaja paviedamiŭ, što adsotak śmiarotnaści ad zaražeńnia novym typam virusa vielmi nizki — 2,1%. Heta nižej, čym śmiarotnaść ad VRVI, Eboły abo karanavirusa Blizkaŭschodniaha reśpiratornaha sindromu (MERS).