Što padaražeła?
10. Zapałki, 1 karabok (+20%, 0,05 rubla — 2018, 0,06 rubla — 2019)
Heta moža padacca niesurjoznym, ale adkryvajuć naš top padaražeńniaŭ zapałki. Naŭrad ci niekaha zakłapocić rost na 1 kapiejku, ale dla karabka zapałak heta ažno 20 pracentaŭ.
9. Fotakamiera ličbavaja (+21,74%, 381,09 rubla — 2018, 463,94 rubla — 2019)
Zdavałasia b, smartfony vyciaśniajuć z našaha žyćcia kamiery, ale heta nie pieraškadžaje fotaaparatam zaŭvažna daražeć. Tak, za hod fotakamiery dadali ŭ canie amal 22 pracenty, ci 83 rubli ŭ absalutnym vymiareńni.
8. Krupy jačnyja, 1 kh (+22,52%, 1,11 rubla — 2018, 1,36 rubla — 2019)
Za hod krupy surjozna padaraželi. Manka — na 14 pracentaŭ, piarłoŭka — na 22,5, a pra prosa i hrečku my jašče pahavorym. Uradžai kultur u susiednich krainach, adkul krupy traplajuć u Biełaruś, padajuć, što adbivajecca na ich cenach u kramach.
7. Krupy prasianyja, 1 kh (+22,97%, 2,22 rubla — 2018, 2,73 rubla — 2019)
Z prosam situacyja anałahičnaja piarłoŭcy, ale prasianyja krupy ŭ absalutnych vieličyniach padaraželi ŭ dva razy bolš istotna, čym piarłovyja. Prosa dadało ŭ canie 51 kapiejku, a piarłoŭka — 25 kapiejek.
6. Muzyčnyja mikrasistemy (+26,06%, 340,13 rubla — 2018, 428,76 rubla — 2019)
Čas biažyć, mianiajucca technałohii i nośbity infarmacyi: byli kasiety, potym dyski, ciapier fłeški. Zastajecca žadańnie słuchać muzyku. Muzyčnyja centry za hod pryplusavali amal 90 rubloŭ da cany, padaražeŭšy na 26 pracentaŭ.
5. Płašč žanočy (+31,83%, 124,61 rubla — 2018, 164,27 rubla — 2019)
U toj čas, kali mužčynskaja kurtka z płaščovaj tkaniny padaražeła za hod tolki na 49 kapiejek, žanočy płašč dadaŭ u canie amal 40 rubloŭ!
4. Banany, 1 kh (+34,62%, 2,34 rubla — 2018, 3,15 rubla — 2019)
2019 hod adznačyŭsia rostam cen na banany pa ŭsim śviecie praz raspaŭsiud hrybkovaha zachvorvańnia na płantacyjach u Ekvadory, jaki źjaŭlajecca adnym z najbujniešych eksparcioraŭ trapičnych fruktaŭ u śviecie.
Heta ŭsio vyliłasia ŭ padaražeńnie bananaŭ u Biełarusi bolš čym na tracinu.
3. Krupy hreckija, 1 kh (+40,49%, 1,63 rubla — 2018, 2,29 rubla — 2019)
Lidar pa roście siarod krup — hrečka. Situacyja z hetaj kulturaj nastolki surjoznaja, što rost cen na jaje byŭ uziaty pad dziaržaŭny kantrol. A ŭsio praź minimalny za 5 hod uradžaj u Rasii, dzie nazirajecca deficyt i vysoki popyt na hety pradukt.
2. Časnok, 1 kh (+40,49%, 4,9 rubla — 2018, 7,28 rubla — 2019)
Časnok — kultura, vielmi patrabavalnaja da ŭmoŭ vyroščvańnia i pierazimoŭki. Pasadka časnaku, dohlad i asabliva jaho ŭborka patrabujuć ručnoj pracy, adsiul vysoki sabiekošt i pastajanny rost cany.
1. Jabłyki, 1 kh (+54,2%, 1,31 rubla — 2018, 2,02 rubla — 2019)
Tak, najbolšy rost pakazali jabłyki. Letaś u Biełarusi sabrali na tracinu mienš jabłykaŭ u paraŭnańni z rekordnym uradžajem u 2018 hodzie. Taksama isnuje prablema kaapieracyi fiermieraŭ i bujnych rytejleraŭ: pieršyja nie mohuć zadavolić patrebny abjom u hipiermarkietach, a taksama im časam bolš vyhadna pradavać jabłyki ŭ Rasiju.
A što ž patańnieła?
10. Sšytak, u pieraliku na 12 staronak (-7,69%, 0,26 rubla — 2018, 0,24 rubla — 2019)
Jak i ŭ vypadku z zapałkami, hety top adkryvaje vielmi tanny tavar. Dźvie kapiejki — nie istotna. Ale kali ŭ siamji šmat dziaciej, za hod, mahčyma, i ŭdałosia niešta sekanomić.
9. Chleb i baton z pšaničnaj muki pieršaha hatunku, 1 kh (-7,73%, 1,94 rubla — 2018, 1,79 rubla — 2019)
Zaŭždy padajecca, što pradukty pieršaj patreby daražejuć chutčej za astatnija. Ale vy mocna ździviciesia tamu, što chlebabułačnyja vyraby za hod akurat patańnieli. Na 15 kapiejek u pieraliku na buchanku.
8. Ryba salonaja i vendžanaja dalikatesnaja, 1 kh (-9,29%, 41,57 rubla — 2018, 37,71 rubla — 2019)
Rybnyja dalikatesy istotna patańnieli za hod. Tak, kiło dalikatesnaj salonaj abo vendžanaj ryby patańnieła amal na 4 rubli, i heta jašče nie ŭsio. Bo ikra patańnieła jašče bolš, ale pra heta paźniej.
7. Dublonka žanočaja (-10%, 735,85 rubla — 2018, 662,24 rubla — 2019)
Žanočyja dublonki za hod patańnieli na 10 pracentaŭ, ci na 73 rubli i 61 kapiejku ŭ absalutnych vieličyniach. Najbolš istotnaje padzieńnie cenaŭ.
6. Fłeš-karta (-10,3%, 21,26 rubla — 2018, 19,07 rubla — 2019)
Fłeški pierastajuć być rečami pieršaj nieabchodnaści z raspaŭsiudam vobłačnych schoviščaŭ infarmacyi i telefonaŭ ź vialikim pamieram unutranaj pamiaci. Ale kali spatrebicca nabyć nośbit infarmacyi, majcie na ŭvazie, što fłeški patańnieli bolš čym na 10 pracentaŭ.
5. Vinahrad, 1 kh (-11,15%, 5,29 rubla — 2018, 4,70 rubla — 2019)
Pakul ceny na jabłyki i banany raśli, vinahrad prademanstravaŭ źnižeńnie na 11%. Kiło ŭ siaredniem patańnieła amal na 60 kapiejek. Častkova źnižeńnie cenaŭ źviazanaje z kryzisam pieravytvorčaści ŭ Małdovie, dzie vinahradu vyrablajuć našmat bolš, čym treba pradpryjemstvam, tamu šmat jahad idzie na ekspart pa nizkich cenach.
4. Buraki, 1 kh (-15%, 0,8 rubla — 2018, 0,69 rubla — 2019)
U hetym hodzie ahraryi adznačyli rost uradžaju burakoŭ, što nie mahło nie adbicca na canie harodniny. Tak, buraki ŭ siarednim patańnieli na 11 kapiejek, ci ŭ adnosnych vieličyniach na 15 adsotkaŭ.
3. Ikra łasasiovych ryb, 1 kh (-16,5%, 123,97 rubla — 2018, 103,51 rubla — 2019)
My žyviom u dziŭny čas, kali čyrvonaja ikra stanovicca ŭsio bolš dastupnaj, chacia ŭzrovień žyćcia raście nie tak chutka. Niaŭžo chutka hety dalikates pierastanie być darahim?
2. Morkva, 1 kh (-25,84%, 0,89 rubla — 2018, 0,66 rubla — 2019)
Istotnaje źnižeńnie cenaŭ na ajčynnuju harodninu źviazanaje z vysokim uradžajem u 2019 hodzie. Tak, cana na morkvu źniziłasia na čverć. Heta nie moža nie radavać, ale heta jašče nie ŭsio.
1. Kapusta, 1 kh (-29,55%, 0,88 rubla — 2018, 0,62 rubla — 2019)
A voś i lidar našaha rejtynhu. Kapusta patańnieła amal na 30 pracentaŭ dziakujučy dobramu ŭradžaju harodniny ŭ minułym hodzie. Tak, uradžajnaść vyrasła amal na 50 centnieraŭ z hiektara, što dazvoliła źnizić ceny dla pakupnikoŭ.
Kab nie prapuścić samyja tannyja prapanovy, hartajcie akcyjny buklet ad «HIPA»:
