Palityk Robiert Biedrań (Robert Biedroń) padčas pieradvybarčaha plenumu levych siłaŭ u horadzie Słupsk zajaviŭ ab udziele ŭ vybarach prezidenta. Plenum levych prajšoŭ u niadzielu. Palityk zajaviŭ, što jon hłyboka ŭzvažyŭ hety krok, piša Radyjo Polšča.
Jeŭradeputat Robiert Biedrań u efiry Pieršaj prahramy Polskaha radyjo zajaviŭ, što pieradvybarčamu plenumu papiaredničali daśledavańni mierkavańniaŭ čalcoŭ kaalicyi partyj «Levyja»:
— Pierad usim levych cikavić toje, što zaraz nami kiruje prezident, jaki nie ŭdzielničaje ŭ suśvietnaj dyskusii, jaki nie adčuvaje sučasnych hłabalnych pahrozaŭ. Levyja čakajuć takoha prezidenta, jaki b razumieŭ polek i palakaŭ u małych miascovaściach.
43-hadovy Robiert Biedrań — adkryty hiej, deputat Jeŭrapiejskaha parłamienta, dzie jon uznačalvaje delehacyju pa Biełarusi. Raniej Robiert Biedrań byŭ meram Słupska i deputatam polskaha Siejma.
Prezidenckija vybary ŭ Polščy adbuducca sioleta da kanca maja.
Fota ź instahrama Robierta Biedrania
