pasienis.lt.
Vypadak adbyŭsia ŭ minułuju piatnicu. Litoŭskija pamiežniki spynili aŭtamabil Lexus RX300 na ŭjeździe ŭ viosku Siruciškies Vilenskaha rajona, na darozie Šumskas — Vilnia, paviedamlaje Rehijanalnaja hazieta sa spasyłkaj na Pamiežnuju słužbu Litvy.
Kiroŭca, 37-hadovy hramadzianin Biełarusi, byŭ u Litvie zakonna i mieŭ pry sabie dakumienty. Pamiežniki ŭsio ž vyrašyli pravieryć aŭtamabil u punkcie propusku «Miadzininkaj», dzie jość pamiaškańnie i abstalavańnie, nieabchodnyja dla pilnaj pravierki.
Renthienaŭskaje abśledavańnie pakazała, što aŭtamabil abstalavany chovankami. U pryvatnaści, u paliŭnym baku była admysłovaja adtulina, u dachu taksama znajšli tajnik. Pamiežniki vyciahnuli 964 pački cyharet NZ Gold ź biełaruskimi akcyznymi markami.
U suviazi z parušeńniem praviłaŭ pieramiaščeńnia akcyznych tavaraŭ u dačynieńni da hramadzianina Biełarusi raspačali administracyjnuju spravu. Za takoje parušeńnie jaho pakarajuć štrafam u pamiery ad 5200 da 6000 jeŭra.
Paśla dopytu biełarusa vyzvalili da suda. Aŭtamabil i kantrabandny hruz zachoŭvajucca ŭ pamiežnaj słužbie Kiana.
