Avaryja zdaryłasia ŭviečary 27 śniežnia ŭ Baranavičach na skryžavańni vulic Słavianskaj i Navamyšskaj, piša Intex-Press.
Kiroŭca «Opiela» nie spraviłasia z kiravańniem i zajechała ŭ dvor pryvatnaha doma. Pry hetym prałamała žalezabietonny płot i złamała valjer, u jakim znachodziŭsia ałabaj. Haspadaroŭ doma nie było.
Paśla avaryi žančyna syšła sa dvara. Praź dźvie hadziny jaje znajšli supracoŭniki milicyi i dastavili na miesca DTZ.
Žančyna była ŭ stanie ałkaholnaha apjanieńnia: ad jaje pachła ałkaholem, a taksama jana chistałasia, kali išła.
Paśla avaryi ŭ ałabaja paškodžany zadnija łapy. Ludzi ŭ avaryi nie paciarpieli.
Fota: Alaksandr Korab.
0
0
0
0
0
0
