Lvoŭskija deputaty patrabujuć horad admovicca ad zakupki techniki i tavaraŭ ź Biełarusi praz zajavu Alaksandra Łukašenki. Pra heta padčas siesii Lvoŭskaj haradskoj rady zajaviŭ deputat Ivan Hrynda.
Deputat nakiravaŭ zvarot da mera Andreja Sadavoha z patrabavańniem spynić zakuplać traktary, śniehaŭboračnuju techniku, aŭtobusy ź Biełarusi, a taksama zaklikaŭ usich ukraincaŭ ihnaravać biełaruskija tavary z-za zajaŭ Alaksandra Łukašenki.
Nahadajem, Alaksandr Łukašenka ŭ efiry radyjo «Echo Moskvy» zajaviŭ, što Ukraina sama dała padstavu Rasii dla ahresii i pačatku ŭzbrojenaha kanfliktu. Pavodle jaho słoŭ, Ukraina nibyta «pačała dušyć ruskich» na svajoj terytoryi.
Tolki ŭ 2018 hodzie Lvoŭ nabyŭ 100 biełaruskich aŭtobusaŭ MAZ. Košt adnaho aŭtobusa MAZ składaje 118 000 jeŭra. Zaraz horad aktyŭna abnaŭlaje aŭtapark hramadskaha transpartu, tak što havorka moža iści pra sotni aŭtobusaŭ MAZ.
