Padazravanyja byli zatrymanyja, im vystavili abvinavačvańni, a ŭ piatnicu ranicaj dziesiać palicejskich razam z abvinavačanymi adpravilisia na miesca złačynstva, kab adnavić padrabiaznaści taho, što adbyłosia, paviedamiŭ kamisar palicyi bbc.com. Jon udakładniŭ, što mužčyny byli biez kajdankoŭ.
«Čaćviora mužčyn razam napali na palicejskich z pałkami i kamianiami, vychapili ŭ dvuch aficeraŭ zbroju i pačali stralać», - raspavioŭ kamisar, adkazvajučy na pytańni ab tym, čamu mužčyny byli zabityja.
«Choć aficery zachoŭvali strymanaść i prasili ich zdacca, jany praciahvali stralać i napadać na nas. Heta praciahvałasia 15 chvilin. My ŭžyli miery ŭ adkaz, i čaćviora abvinavačanych byli zabityja», — zajaviŭ jon.
Kamisar dadaŭ, što dvoje supracoŭnikaŭ atrymali traŭmy hałavy, ale heta nie ahniastrelnyja ranieńni. Palicejskija trapili ŭ balnicu.
Kali źjavilisia paviedamleńni ab zabojstvie čatyroch abvinavačanych, na vulicy vyjšli tysiačy ludziej, jakija śviatkavali toje, što zdaryłasia, i ŭchvalali dziejańni palicyi.
Dziaŭčyna była zabitaja 27 listapada. Kala šaści viečara jana vyjechała z domu na matacykle, jana adpraviłasia na pryjom da doktara.
Pa šlachu ŭ matacykła spuściła koła, i kiroŭca hruzavika prapanavaŭ joj dapamohu. Jana pahadziłasia, ale zamiest dapamohi dziaŭčynu zavabili ŭ dvor, zhvałtavali, zabili, a jaje cieła pasprabavali spalić.
Jaje trup u čaćvier vyjaviŭ pad mostam małočnik, jaki prachodziŭ mima.
Zatrymać padazravanych udałosia, bo dziaŭčyna paśpieła patelefanavać siastry, raspavioŭšy pra spuščanuju šynu, kiroŭcu hruzavika i pra toje, dzie jana znachodzicca.
Niahledziačy na toje, što ŭ dačynieńni da hvałtaŭnikoŭ ŭ Indyi ŭžyvajucca surovyja miery pakarańnia, niama prykmiet taho, što złačynstvaŭ suprać žančyn stanovicca mienš.
Palicyjaj zarehistravana 33 658 vypadkaŭ zhvałtavańnia ŭ Indyi ŭ 2017 hodzie. U siarednim heta 92 zhvałtavańni ŭ dzień.
