Supracoŭniki palicyi i žandarmieryi zatrymali i źmiaścili pad vartu 87 čałaviek padčas naviadzieńnia paradku na manifiestacyi ŭ Paryžy. Pra heta paviedamiŭ telekanału BFM aficyjny pradstaŭnik palicejskaj prefiektury francuzskaj stalicy, piša tass.ru.
Usiaho za hadzinu da hetaha kolkaść zatrymanych nabližałasia da 60. Na dumku kamientataraŭ telekanała, takoje chutkaje pavieličeńnie źviazana z tym, što siły pravaparadku zatrymali šmat parušalnikaŭ na płoščy Respubliki, kab dazvolić vyjści na jaje kałonie mirnych manifiestantaŭ, jakija pratestavali suprać płanaŭ uładaŭ pravieści piensijnuju reformu.
Situacyja na płoščy paśla troch hadzin biasčynstvaŭ na joj chulihanaŭ z «Čornaha błoka» i ich napadaŭ na palicyju narmalizujecca. Kałona manifiestantaŭ prachodzić praz płošču Respubliki da kancavoha putktu svajho maršrutu - płoščy Nacyi.
Masavaja biesterminovaja zabastoŭka pačałasia ŭ čaćvier u Francyi ŭ suviazi z płanami ŭrada skasavać 42 asablivyja piensijnyja režymy, dziakujučy jakim rabotniki asobnych halin mohuć vychodzić na piensiju raniej i pry hetym atrymlivać bolš. Taksama praduhledžana padaŭžeńnie dla ŭsich katehoryj hramadzian pieryjadu piensijnych unioskaŭ. Urad pajšoŭ na takija miery, kab paźbiehnuć šmatmiljardnaha deficytu ŭ finansavańni piensijnaj sistemy ŭ ahladnaj budučyni.
Biełarusam rekamiendujuć nie naviedvać Francyju ad zaŭtra: tam čakajecca transpartny kałaps dy inšyja prablemy
