BiełTA
Niadaŭna na pres-kanfierencyi miascovyja ŭłady paviedamili, što pieraniasuć navahodnija hulańni na Kastryčnickuju płošču. Ale vyśvietliłasia, što na starym miescy kala Pałaca sportu śviata nočču z 31 śniežnia na 1 studzienia usio ž adbudziecca, piša Tut.by.
Bujny kirmaš «Kaladny kirmaš» budzie pracavać z 14 śniežnia pa 15 studzienia kala Pałaca sportu. Jaje arhanizatar — pradpryjemstva «Minskźniešhandaljinviest».
Na kirmašy abiacajuć ustalavać 35 draŭlanych domikaŭ dla handlu navahodnimi ŭpryhožvańniami, vopratkaj i ježaj. Pa słovach arhanizataraŭ, vybar straŭ budzie prystojny — možna pierakusić dranikami, smažanymi ślimakami, kupić burhiery i chot-dohi, pakaštavać litoŭskuju kuchniu, vienhierskija kałačy, miasa ŭ tandyry, a taksama vypić haračyja napoi.
Akramia pakupak i pierakusaŭ, na kirmašy arhanizujuć i zabaŭlalnuju prahramu z parkam atrakcyjonaŭ, siniema-baram, šou samavaraŭ, a taksama z katańniem na jezdavych sabakach u zaprežkach, na poni. Dla dziaciej pastaviać navahodniuju poštu dla listoŭ Dziedu Marozu.
Čas raboty kirmašu: u budni — z 14.00 da 23.00, u vychadnyja - z 12.00 da 23.00, u navahodniuju noč — z 23.00 da 4.00
