Alaksandr Łukašenka maje namier abmierkavać na sustrečy z prezidentam Kazachstana Kasym-Žamartam Takajevym pytańnie ab prodažy bujnoha pakieta akcyj AAT «Homsielmaš». Pra heta kiraŭnik dziaržavy raspavioŭ u intervju ahienctvu «Chabar», pieradaje BiełTA.
Alaksandr Łukašenka pierakanany, što čas prostych handlovych adnosin pamiž krainami ŭžo prajšoŭ.
U jakaści prykładu jon pryvioŭ «Homsielmaš» i zhadaŭ ab prapanovie biełaruskaha boku Kazachstanu ŭvajści ŭ akcyjanierny kapitał hetaha pradpryjemstva. Hetaja inicyjatyva była padtrymana Kasym-Žamartam Takajevym. «Jon užo zacikaviŭsia hetym prajektam. My jaho budziem abmiarkoŭvać. I kali my na «Homsielmašy» pačniom vyrablać biełaruska-kazachstanskuju techniku, chto ad hetaha stracić? Nichto. My tolki vyjhrajem», — skazaŭ Alaksandr Łukašenka.
Kiraŭnik dziaržavy kanstatavaŭ rost papularnaści ajčynnaj techniki ŭ šerahu krain, u tym liku Kazachstanie. «Vy ŭžo najelisia, pasprabavaŭšy impartnaj, tak by mović, techniki — niamieckaj, amierykanskaj. Usie «najelisia» na postsavieckaj prastory i kažuć: «Nie, nam by MTZ», — adznačyŭ Łukašenka.