Łakacyi dla novych bazavych stancyj vybrany zychodziačy z zahružanaści miascovaści i patrebaŭ abanientaŭ. Ich zapusk pavialičvaje chutkaść pieradačy dadzienych i dazvalaje abanientam karystacca mabilnym internetam na bolš kamfortnych chutkaściach. Dola karystalnikaŭ 4G siarod abanientaŭ life:) raście z kožnym dniom, tamu ŭ pryjarytecie apieratara — raźvićcio 4G-sietki ŭ rehijonach.
Značna pašyrylisia mahčymaści 4G dla žycharoŭ Pinščyny: tut źjavilisia adrazu 35 novych bazavych stancyj. Pa 13 novych bazavych stancyj life:) zapuściŭ u Homielskim i Viciebskim rajonie, 10 — u Hrodzienskim, 4 — u Połackim, pa 3 — u Minskim, Viciebskim i Horackim rajonach, pa 2 — u Rečyckim i Pružanskim. Pa adnoj bazavaj stancyi dadatkova atrymali Brescki, Mazyrski, Dobrušski, Smarhonski, Słonimski, Pietrykaŭski, Stolinski, Ašmianski, Žłobinski, Rečycki, Śvietłahorski i Klimavicki rajony.
Taksama life:) zapuściŭ 4G na płatformach Minskaha mietrapalitena. Takim čynam, vysakachutkasny internet standartu LTE staŭ dastupny abanientam kampanii na 28 stancyjach mietro.
Siońnia ŭ life:) 1839 bazavych stancyj standartu 4G pa ŭsioj Biełarusi. U siarednim abanient life:) vykarystoŭvaje kala 7HB mabilnaha trafiku štomiesiac. Prajekt pa raźvićci 4G-sietki life:) pravodzić u partniorstvie ź infrastrukturnym apierataram BeCloud.
