M2 Bradley© DELFI / Kiril Čachovskij
Pa čyhuncy ŭ Pabrade (niedalok ad miažy ź Biełaruśsiu) dastaŭleny vosiem tankaŭ Abrams i 21 bajavaja mašyna piachoty (BMP) Bradley, paviedamiŭ pradstaŭnik litoŭskaj armii pa suviaziach z hramadskaściu major Hintaŭtas Ciunis, piša Delfi.
Jašče niekalki dziasiatkaŭ tankaŭ buduć dastaŭleny ŭ nastupnyja tydni. Jak skazaŭ ministr abarony Litvy Rajmundas Karoblis, prybyćcio padraździaleńnia ZŠA demanstruje, što dysłakacyja sił takoha maštabu ŭžo nie tabu.
«Heta, pierš za ŭsio, viestka dla Litvy i našych susiednich krain NATA, što my źjaŭlajemsia krainami, jakija ŭ vypadku kryzisu buduć abaraniacca jak častka NATA, što sajuźniki z nami», — zajaviŭ ministr u paniadziełak.
«Heta taksama mesedž i dla Rasii pra toje, što ZŠA ŭciahnutyja. Heta dadatkovy faktar strymlivańnia», — skazaŭ kiraŭnik Minabarony Litvy Rajmundas Karoblis.
Hetaja vajennaja technika, jakaja naležyć raźmieščanamu ŭ Polščy 1-mu bataljonu 7-ha kavaleryjskaha pałka, budzie zadziejničana ŭ vučeńniach u Litvie. Kala 500 pradstaŭnikoŭ suchaputnych sił ZŠA prabuduć u Litvie da viasny.
