Pradstaŭniki «Moładzievaha bloku» Ihar Brek, Stas Šašok, Radzivon Čorny, Alaksiej Łazaraŭ, Daniła Łaŭrecki (siadziać za stałom, źleva naprava).
«Moładzievy blok» prezentavaŭ svaje zakonaprajekty pra adterminoŭki ŭ vojska, admienu prymusovaha raźmierkavańnia i reformu «narkatyčnaha» 328-ha artykuła Kryminalnaha kodeksu. U moładzi jość jašče try bonusnyja temy, ale jakija — pakul tajamnica, piša Radyjo Svaboda.
Na pačatku kastryčnika aktyvisty Zadzinočańnia biełaruskich studentaŭ, inicyjatyvaŭ «Vučoba najvažniej», Legalize Belarus, a taksama błohiery stvaryli abjadnańnie «Moładzievy blok», kab udzielničać u vybarach. Vyłučyli 8 kandydataŭ u deputaty ad partyi «Biełaruskaja sacyjał-demakratyčnaja Hramada» — vybarčyja kamisii ŭsich ich zarehistravali.
U piatnicu troje zarehistravanych kandydataŭ u deputaty «Moładzievaha bloku» raskazali pra try hałoŭnyja «fiški» ŭ svaich prahramach.
Ałana Hiebremaryjam — stamatolah, niadaŭniaja vypusknica medyčnaha ŭniversytetu. Jana balatujecca pa Hrušaŭskaj vybarčaj akruzie № 98, dzie ŭsiaho zarehistravana 6 kandydataŭ. Siarod jaje hałoŭnych kankurentaŭ— 52-hadovaja Ludmiła Makaryna-Kibak, prafesarka-medyk, ciapierašniaja deputatka.
Ałana Hiebremaryjam.
Alaksiej Łazaraŭ — inžyner-prahramist, balatujecca pa 108-j Kalinoŭskaj vybarčaj akruzie. U jaho taksama 6 kankurentaŭ, siarod jakich staršynia ŁDPB Aleh Hajdukievič.
Alaksiej Łazaraŭ.
Daniła Łaŭrecki, indyvidualny pradprymalnik, idzie ŭ deputaty pa Kupałaŭskaj vybarčaj akruzie № 95. I ŭ jaho 6 kankurentaŭ, siarod jakich staršynia partyi BNF Ryhor Kastusioŭ, a taksama deputatka Pałaty pradstaŭnikoŭ 6 sklikańnia Taciana Sajhanava.
Daniła Łaŭrecki.
Zakon ab adterminoŭkach
Pry padrychtoŭcy hetaha zakonaprajektu raspracoŭščyki vyvučyli dośvied inšych krain i praviali sacyjalahičnaje apytańnie siarod maładych ludziej. Apytali bolš za 2200 čałaviek z roznych uzrostavych hrupaŭ. Cikavilisia, čamu moładź nia choča słužyć i što treba zrabić, kab słužba ŭ vojsku stała pryvabnaj.
«Asnoŭnaja ideja našych prapanovaŭ: čałaviek, jaki imkniecca da viedaŭ, pryniasie krainie značna bolš karyści, čym kali b jon słužyŭ u vojsku. Raniejšaja systema adterminovak pracavała drenna.
My prapanujem pryncyp adnarazovaści adterminoŭki dla adnoj stupieni adukacyi, ale tolki pry ŭmovie bieśpierapynnaści pracesu vučoby. To bok pa adnoj adterminoŭcy na kožnuju novuju stupień adukacyi pry ŭmovie bieśpierapynnaści — ad bakalaŭreatu da aśpirantury», — tłumačyć Radzivon Čorny.
Radzivon Čorny.
Na dumku kandydata ŭ deputaty pa 108-j Kalinoŭskaj vybarčaj akruzie Alaksieja Łazarava, heta spynić złoŭžyvańni, kali maładyja ludzi, kab «adkasić» ad vojska, pastupajuć u inšuju VNU.
Usie svaje prapanovy pa źmianieńni Zakonu ab adterminoŭkach «Moładzievy blok» pakul nie ahučvaje. Budzie ich abmiarkoŭvać z ekspertami, admysłoŭcami, a taksama sa svaimi vybarcami.
Zakon ab skasavańni prymusovaha raźmierkavańnia
Asnoŭnaja prapanova — prybrać z Kodeksu ab adukacyi abaviazak vypusknika vypłacić srodki, jakija dziaržava zatraciła na jaho navučańnie, u vypadku, kali jon nie adpracuje poŭny termin raźmierkavańnia. To bok, kali biudžetnik nia choča raźmiarkoŭvacca, jon nie pavinien vypłačvać hrošy za svaju vyšejšuju adukacyju.
Kandydat u deputaty pa Kupałaŭskaj vybarčaj akruzie № 95 Daniła Łaŭrecki pierakanany, što sama systema raźmierkavańnia daŭno nie pracuje.
Alaksiej Łazaraŭ i Daniła Łaŭrecki.
«65 pracentam vypusknikoŭ prapanujuć znajści pracoŭnaje miesca samim, a znachodzić tolki pałova ź ich, to bok tolki adna tracina ad ahulnaha liku. Tamu my prapisali ŭ svaim zakonaprajekcie paniaćcie «sacyjalna značnych specyjalnaściaŭ»: heta tak zvanyja siłavyja struktury, a taksama admysłoŭcy ŭ halinie achovy zdaroŭja, u sfery adukacyi — jany buduć abaviazkova raźmiarkoŭvacca», — tłumačyć Daniła Łaŭrecki.
Zakon ab reformie 328-ha «narkatyčnaha artykuła»
Asnoŭnaje patrabavańnie — častkovaja dekryminalizacyja adkaznaści spažyŭcoŭ.
«My prapanujem raźmiežavać adkaznaść spažyŭca ŭ zaležnaści ad abjomu rečyva. Nieabchodna ŭvieści paniatak značnaha abjomu rečyva. Častka 1 artykuła 328 u našaj redakcyi vyznačaje adkaznaść za vyrab, pierapracoŭku, nabyćcio, zachavańnie, pieravozku rečyvaŭ u značnym pamiery. Pavinny być roznyja miery adkaznaści za značny i bujny pamier.
Kali nižej za značny pamier — my prapanujem dekryminalizacyju, to bok tolki administracyjnuju adkaznaść: štrafy i majomasnuju kampensacyju.
«Spažyŭcy — ludzi nia biednyja, niachaj lepš zapłaciać štraf u dziaržaŭnuju kaznu», — kaža advakat Ihar Brek.
Ihar Brek.
Na dumku raspracoŭščykaŭ zakonaprajektu, nieabchodna ŭdakładnić paniaćcie zbytu, jakoje traktujecca vielmi šyroka.
«Kali padletak prosta padzialiŭsia ź siabram, heta nie pavinna ličycca zbytam. Zbyt — heta tolki kali jość meta atrymańnia prybytku, kali jość majomasnaja vyhada», — dadaje aktyvist Legalize Belarus Stas Šašok.
Ihar Brek, Stas Šašok, Radzivon Čorny.
Ciapier i narkadylery, i zakładčyki-padletki atrymlivajuć adnolkavyja vialikija terminy. Pryčym padletkam dajuć vialikija terminy za złačynstva ŭ składzie arhanizavanaj hrupy. A samich arhanizataraŭ złačynnaha biznesu, pastaŭščykoŭ narkotykaŭ, uładalnikaŭ padpolnych internet-kramaŭ vyznačajuć i sudziać značna radziej, čym zakładčykaŭ.
Taksama prapanujecca pavysić uzrost adkaznaści za narkazłačynstvy z 14 da 16 hadoŭ.
