krumka.by
Futbolny kłub NFK, jaki zaraz vystupaje ŭ pieršaj lizie čempijanata Biełarusi, pierad nastupnym siezonam moža viarnuć svaju byłuju nazvu «Krumkačy». Pra heta ŭ intervju aficyjnamu sajtu raspavioŭ adzin z zasnavalnikaŭ kamandy Jarasłaŭ Budzianski.
«U nas dobryja ŭzajemaadnosiny ź fiederacyjaj i ŭžo dasiahnuta vusnaja damoŭlenaść, što z pačatku nastupnaha siezona my možam viarnuć siabie nazvu NFK «Krumkačy», - zajaviŭ Budzianski.
Futbolny kłub byŭ vymušany nieadnarazova mianiać nazvy praz novuju jurydyčnuju asobu, adkaznuju za kłub.
«Krumkačy» byli zasnavanyja ŭ 2014 hodzie. U 2016 i 2017 hh. vystupali ŭ vyšejšaj lizie, ale byli vyklučanyja ź jaje praz prablemy ź licenzavańniem i praz zapazyčaści pierad hulcami. Kłub byŭ adpraŭleny ŭ druhuju lihu, zaniaŭ druhoje miesca i damohsia pavyšeńnia ŭ kłasie. Zatym Biełaruska fiederacyja futbołu zajaviła, što nie dapuścić kłub da ŭdziełu ŭ pieršaj lizie, bo kamanda z anałahičnaj nazvaj jość siarod členaŭ fiederacyi. U vyniku «Krumkačy» źmianili nazvu na NFK.
U čempijanacie pieršaj lihi NFK idzie na 11-m miescy z 15 kamandaŭ
