Prezident Rasii Uładzimir Pucin zajaviŭ, što ludzi majuć prava na toje, kab vykazvać svajo mierkavańnie, u tym liku na pratestnych akcyjach. Pra heta jon zajaviŭ na Uschodnim ekanamičnym forumie va Uładzivastoku, adkazvajučy na pytańnie ab udziele moładzi ŭ pratestach «pa subotach».
«Časam heta (pratesty) pryvodzić i da pazityŭnaha vyniku, tamu što trasuć uładu, vystrojvajučy jaje ŭ patrebnym kirunku z tym, kab jana efiektyŭna vyrašała prablemy», — skazaŭ Pucin.
Jon taksama adkazaŭ na pytańnie, ci treba miakčej stavicca da maładych udzielnikaŭ akcyj pratestu, čyim mierkavańniem možna manipulavać. Pucin adkazaŭ: «U ramkach zakona - da ŭsich adnolkava».
Nahadajem, što pa vynikach letnich akcyj pratestu ŭ Maskvie byli vyniesienyja dosyć surovyja prysudy — ad dvuch da piaci hadoŭ — za dziejańni suprać palicejskich i pradstaŭnikoŭ Rasshvardyi.
Tak Kirył Žukaŭ byŭ asudžany na try hady kałonii za toje, što pasprabavaŭ uźniać zabrała šlema supracoŭnika Rashvardyi, čym «nanios jamu fizičny bol». Uładzisłaŭ Sinica byŭ asudžany na piać hadoŭ za «tvit ab adpłacie dzieciam siłavikoŭ», Arciom Biahlec na dva hady za toje, što paciahnuŭ palicejskaha za ruku, Ivan Padkapajeŭ asudžany na try hady kałonii za toje, što raspyliŭ hazavy bałončyk u rashvardziejcaŭ.
