Jakija kaštoŭnaści vyznačajuć nacyjanalny charaktar amierykancaŭ? Apytańnie, praviedzienaje Wall Street Journal/NBC News, vyjaviła, što jany mianiajucca. Dla maładych pakaleńniaŭ patryjatyzm, relihija i dzieci majuć mienš značeńnia, čym dla takich ža pakaleńniaŭ dva dziesiacihodździ nazad.
Hetyja źmieny prymušajuć zadumacca, bo havorka idzie pra samuju ŭpłyvovuju krainu śvietu. Mienavita raniejšaje spałučeńnie «American values» rabiła ZŠA mocnymi ŭ chałodnaj vajnie i paśla jaje.
U anałahičnym apytańni 21 hod nazad absalutnaja bolšaść apytanych nazyvała pracavitaść, patryjatyzm, relihijnaść i metu mieć dziaciej.
Siońnia pracavitaść zastajecca ŭ pryjarytetach, a voś try inšyja kaštoŭnaści ŭ maładoha pakaleńnia stali canicca mienš. Asabliva značna ŭpała dola tych maładych, jakim vyznačalnymi dla «amierykanskich kaštoŭnaściej» padajucca viera ŭ Boha i imknieńnie mieć dziaciej.
U toj ža čas pracavitaść i ciarpimaść zastajucca adnolkava šanavanymi siarod roznych pakaleńniaŭ amierykancaŭ.
